Meu na kunea vakacava na iwali ni bolebole kei na leqa au sotava?

Na bula rawati keda e oka kina na noda rawa ni kunea na iwali ki na noda leqa kei na bolebole. E vuqa vei ira na iwali oqo era tiko ena kosipeli vakalesuimai i Jisu Karisito. Sa kila vakavinaka tu na Tamada Vakalomalagi na bolebole eda dau sotava. E lomani keda o Koya ka gadreva me vukei keda. E dodonu meda masulaka na veidusimaki ni da vakasaqara na iwali ni noda veibolebole ena ivolanikalou kei na nodra vosa na parofita kei na iapositolo.

Mo vakarautaki iko vakayalo

E sa vakarautaki iwali vakacava na kosipeli kei na vakacegu ena gauna ni nomu bolebole eso?

Na leqa se bolebole cava era sotava tiko na cauravou? Na bolebole cava soti era rawa ni sotava ena veisiga ni mataka? Na ivakavuvuli cava ni kosipeli ena vukei ira mera vorata rawa na bolebole oqo?

Na ivolanikalou kei na ivurevure cava eso ena vukei ira na cauravou mera kila vakavinaka na sala ena veivuke kina na kosipeli ni bolei na nodra bula?

Ai Vola ni Vakaibalebale 3:5–6; Maciu 11:28–30; Marika 4:36–39; Alama 7:11–13; Alama 37:35–37; 38:5 (Vakasaqara na veivuke ni Turaga ni ko bolei ka vakaleqai)

Richard G. Scott, “Vakaliuca mo Bulataka Nomu Vakabauta,” Ensign se Liaona, Nove. 2014, 92–95

Jeffrey R. Holland, “Vaka na Bilo sa Kavoro” Ensign se Liaona, Nove. 2013, 40-42; raica talega na vidio “Like a Broken Vessel”

“Tiko Bulabula ni Yago kei na Vakasama,” Me iSakisaki ni iTabagone (2012), 25–27

Vidio: “Sitting on the Bench: Thoughts on Suicide Prevention.” “Face to Face with President Eyring and Elder Holland: What can I do to stay positive and know that I am enough?”

6:43

Veivakavulici ena ivakarau ni iVakabula

A vakavulici ira na tamata mera vakanananutaka vakataki ira na ivolanikalou ka mera vakayagataka mera kunea kina na isau ni nodra vakatataro. O na vukei ira vakacava na cauravou mera gadreva ni goleva na ivolanikalou kei na nodra vosa na parofita ni ra vakasaqara na iwali ni nodra bolebole?

Raica mera veiliutaki na cauravou

Me liutaka na bose ni kuoramu e dua na lewe ni mataveiliutaki ni kuoramu (se ivukevuke vua na bisopi ena kuoramu ni bete). Ena liutaki ira na cauravou o koya ena veivakasalataki vakaiira me baleta na bisinisi ni kuoramu, vakatavulici ira ena nodra itavi vakamatabete (mai na ivolanikalou kei na ivola iTavi Vua na Kalou ), vakayaloqaqataki ira mera wasea na veika era sotakaya ena vakayacori ni itavi vua na Kalou, ka sureta e dua na daunivakasala se dua tale na lewe ni kuoramu me vakatavulica e dua na lesoni vakosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.

Tekivuna na gauna ni vulika

Digidigi mai na veivakanananu oqo se vakasamataka ga vakaiiko na nomu mo raicalesu kina na lesoni ni macawa sa oti ka vakatakila na lesoni ni macawa oqo:

Kerei ira na cauravou mera wasea na veika era sotava ena loma ni macawa ena nodra saga mera bulataka na veika era sa vulica ena vula oqo me baleta na bula rawati ira.
Sureti ira na cauravou mera tukuna mada eso na bolebole se veivakaleqai era sotava tiko na nodra icaba, ka vola na veika oqo ena vava ni volavola. Na cava eso na veika dukadukali se tawayaga era dau cakava na cauravou mera taqeya rawa kina na leqa oqo? Ena gauna taucoko ni lesoni, sureti ira na cauravou mera vakasaqara na sala e rawa ni veivuke kina na dina ni kosipeli.

Vulica vata

Na itaviqaravi yadua e ra e rawa ni vukei ira na lewe ni kuoramu mera vulica na sala mera walia kina na veika era dui bolei tu kina. Mai na veidusimaki ni Yalotabu, digitaka e dua se sivia ka na ganita vinaka na nomu kuoramu:

Sureti ira na cauravou me ra vakasamataki ira nodra itokani era dau raici ira vakataki ira, vakabibi. Kerei ira na cauravou me ra sarava na vidio oqo “Face to Face with President Eyring and Elder Holland: What can I do to stay positive and know that I am enough?” me ra qai vola eso na veika era na rawa ni wasea me vukei ira na nodrai itokani. Na itukutuku cava mai vei Peresitedi Eyring kei Elder Holland e vakauqeti ira na cauravou?
Sureti ira na cauravou mera vakasamataka mada e dua na bolebole se veivakaleqai era sotava tiko na itabagone ena gauna oqo. Kerei ira mera rai ki na ituvatuva ni ulutaga ena ilavelave ni Ensign se Liaona, ni koniferedi raraba se qai oti toka ga oqo ka mera raica kina na ulutaga me na vukei ira mera walia kina na leqa o ya. Sureti ira mera raica e dua na vosa e semati tiko ki na ulutaga oqori ka wasea ki na kuoramu me ivakasala me vukea kina e dua me valuta rawa na bolebole. Vakauqeti ira na cauravou mera vakayagataka na ituvatuva ni ulutaga mera vukei ena nodra bolebole.
Sureti ira na cauravou mera wilika na ikarua ni iotioti ni parakaravu ni “Tiko Bulabula ni Yago kei na Vakasama” ena Me iSakisaki ni iTabagone ka vakasaqara na ivakasala era na vukei kina se o ira na tamata era kila. Na cava eso na ivakaraitaki ni “iwali vivinaka” e dodonu meda vakasaqara ni yaco vei keda na leqa? Na iwali cava soti e vakarautaka na kosipeli i Jisu Karisito? Wasea na veika a yaco ki na nomu bula ka a veivakarautaki ka vukei iko kina na kosipeli me baleta e dua na nomu leqa se bolebole. Sureti ira na cauravou mera wasea talega na veika era a sotava ena nodra bula.
Wasea na itukutuku oqo mai vei Peresitedi Thomas S. Monson: “Eda sa mai vakalougatataki kina vakalevu, kemuni na taciqu kei na ganequ, me tu vei keda na kosipeli vakalesuimai i Jisu Karisito ena noda bula kei na yaloda. E solia na isau ni veitaro cecere ni bula. E solia na ibalebale kei na inaki kei na inuinui ki na noda bula. Eda bula ena veigauna leqaleqa eso. Au vakadeitaka vei kemuni ni kauwaitaka tiko o Tamada Vakalomalagi na veibolebole eda sota kaya tiko. E lomani keda yadua ka gadreva me vakalougatataki keda ka vukei keda” (“Ni Da Mai Sogota Na Koniferedi Oqo,” Ensign se Liaona, Me 2012, 115). Kerei ira yadua na cauravou mera wilika e dua vei ira na ivolanikalou mai na ituvatuva oqo ka wasea na kena rawa ni vukea e dua e sotava tiko na bolebole se leqa era dau sotava vakalevu tu na itabagone nikua. Na cava na kena ibalebale meda vakararavi vua na Turaga se lako vua na Karisito ena gauna eda gadreva kina na veivuke? Era tiko tale beka eso na ivolanikalou era vakasamataka rawa na itabagone ena rawa ni veivuke ki na mataqali bolebole se leqa eso?
Kerei ira na cauravou mera vakasamataka mada e dua era kila e sotava tiko na rarawa ni yalo. Solia vei ira na cauravou me ra yadua na ilavelave ni vosa nei Elder Jeffrey R. Holland “Vaka na Bilo sa Kavoro“. Kerei ira me ra vaqara na isau ni nona taro “na sala vinaka duadua cava mo sotava kina ni yaco mai vei iko se o ira o daulomana na bolebole vaka-vakasama se na bolebole ni lomada?” E rawa talega ni o vakaraitaka na vidio “Sitting on the Bench: Thoughts on Suicide Prevention.” Sureti ira na cauravou me ra wasea na veika era sa vulica ka veivosakitaka na ivakarau e rawa ni vukea kina na tamata era vakasamataka tiko na veivakavuvuli oqo.

6:43
Kerei ira na lewe ni kuoramu mera vakasamataka eso na nodra bolebole se leqa era sotava tiko. Vola ena vavaloaloa na va na iyaragi e tukuna tiko o Elder Richard G. Scott ena nona vosa ”Vakaliuca mo Bulataka Nomu Vakabauta,“ ka kerei ira na lewe ni kuoramu mera vulica e dua vei iratou na iyaragi oqo era nanuma ni na vukei ira ena nodra bolebole. Sureti ira mera wasea na veika era sa vulica mai na ivakasala oqo nei Elder Scott

Kerei ira na cauravou me ra wasea na veika era sa vulica nikua. Era sa kila deivaki li na iwalewale ni kena qarai na iwali ki na bolebole eso ni bula ena kosipeli i Jisu Karisito? Na cava era sa bau vakila se vakanananu kina? E tiko beka eso tale na nodra vakatataro? Ena veivuke beka me tauri vakalevu na gauna ena ivunau oqo?

Veisureti me caka

Me na vakacavara na soqoni na cauravou ka veiliutaki tiko. Sa rawa vua me:

Wasea na kena sa vukei koya me valuta rawa na veivakatovolei na nona kila vakavinaka ka bulataka tiko na kosipeli.
Sureti ira na lewe ni kuoramu mera vakayagataka na veika era sa vulica nikua mera vukea se vakayaloqaqataka e dua e valuta vakaukauwa tiko na rarawa ni yalo.