Na cava na vu ni noda saumi ikatini?

Na saumi ikatini sa dua na madigi tabu. Ni ko sauma na nomu ikatini, ko sa vakavinavinakataka tiko kina na veika kece e solia vei iko na Kalou ka vakasuka lesu Vua e dua na tiki ni ka o sa mai taura. E vakayagataki na ikatini me tara kina na valetabu kei na valenilotu, vakadewataki ka tabaki vakaivola na ivolanikalou, vakayacori kina na cakacaka ni kaulotu kei na tuva kawa, kei na sala tale eso ni kena tarai cake na matanitu ni Kalou.

Mo vakarautaki iko vakayalo

Vakasamataka na veivakalougatataki vakayalo ka vakayago o sa ciqoma mai na nomu saumi ikatini. Na veika cava soti sa yaco vei iko ka rawa mo wasea vei ira na goneyalewa?

Na cava na vuna ena bibi kina vei ira na goneyalewa me ra saumi ikatini? E rawa vakacava mo vakavulici ira ena bibi ni kena bulataki na lawa ni ikatini?

Na ivolanikalou kei na ivurevure cava tale eso ena vukei ira na goneyalewa me ra kila na vuna eda saumi ikatini kina?

Malakai 3:8–10 se 3 Nifai 24:8–10; V&V 64:23 (Veivakalougatataki yalataki kivei ira era saumi ikatini)

V&V 119 (Vakatakilai na lawa ni ikatini)

Henry B. Eyring, “ Na Veivakalougatataki ni iKatini, ” Liaona, June 2011, 4–5

David A. Bednar, “Na Katuba ni Lomalagi,” Ensign se Liaona, Nove. 2013

Gordon B. Hinckley, “Keitou Lako Voli ena Vakabauta,” Ensign, Me 2002, 72–74

“iKatini,” Tudei Ena Vakabauta (2004), 22–24

“ iKatini Kei Na Soli Ka,” Me iSakisaki Ni iTabagone (2011), 34–35

Veivakavulici ena ivakarau ni iVakabula

Sa veisureti kina na iVakabula vei ira sa vakavulica o Koya me ra soli ivakadinadina, ni ra sa vakayacora vakakina, e tatara na Yalotabu ki yalodra. Ena rawa vakacava mo vakarautaka e dua na yalo ni ciqomi ni Yalotabu, me rawa kina Vua me tara na yalodra na goneyalewa? Mo sureti ira vakacava na goneyalewa me ra vakadinadinataka me baleta na veivakalougatataki ni ikatini?

Wasea na veika o sa sotava

Ena itekivu ni veikalasi yadua, sureti ira na goneyalewa me ra wasea, vakavulica, ka vakadinadinataka na veika eso era sa sotava oti mai ena nodra bulataka na veika era vulica ena lesoni ni macawa sa oti. Oqo ena vakauqeta na saumaki ni tamata yadua ka na vukei ira na goneyalewa me ra raica na yaga ni kosipeli ena nodra bula e veisiga.

Vakamacalataka na ivunau

Digidigi mai na veivakasama oqo se nomu nanuma eso mo vakamacalataka kina na lesoni ni macawa oqo:

Kerea eso na goneyalewa me ra wilika na italanoa me baleti Mary Fielding Smith ena vosa nei Elder Jeffrey R. Holland “Vaka Na Were Vakasuasuataki.” Kerei ira na vo ni goneyalewa me ra wilika na italanoa ena vosa nei Peresitedi Gordon B. Hinckley me baleta na gonevuli mai na univesiti e Brazil “Keitou Lako Voli ena Vakabauta .” Sureti ira me ra vakalekalekataka na italanoa kivei ira vakayadua ka wasea na veika era vulica mai na italanoa me baleta na bibi ni saumi ikatini.
Vola ena vava ni volavola, “Na cava na vuna o saumi ikatini kina?” Sureti ira na goneyalewa me ra raitayaloyalotaka ni dua na itokani mai na dua tale na vakabauta e tarogi ira ena taro oqo. Era na sauma vakacava? Vakauqeti ira me ra wasea na veika era sa sotava o ira se na nodra matavuvale ka semati ki na ikatini.

Vulica vata

Na itaviqaravi ka koto oqo e ra ena vukei ira na goneyalewa me ra na kila na lawa ni ikatini. Mai na veivakauqeti ni Yalotabu, digitaka e dua se sivia ka na ganita vinaka duadua na nomu kalasi:

Kerei ira na goneyalewa me ra vakasaqara ena Malakai 3:8–10 kei na V&V 64:23 na veiyalayala a vakayacori ena masumasu ni ikatini. Kerei ira na goneyalewa me ra vakasaqara se cava e namaka vei keda na Turaga meda sauma ena ikatini mai na wiliki ni V&V 119 (vakamacalataka ni “tubu” sa ikoya na noda “ ilavo” eda rawata vakayabaki). Veisoliyaka yani na risiti ni ikatini, ka raici ira na goneyalewa me ra veivosakitaka vata na kena ivakavakayagataki. Wasea na nomu sa vakalougatataki vakacava ena nomu saumi ikatini.
Vola na iulutaga e tolu oqo ena tolu na iyatu ena vava ni volavola: Veivakalougatataki, Vakayagataki Ni iLavo, kei na iVakarau. Wasea na kalasi ena iwasewase lalai, ka lesia na iwasewase yadua me vakasaqara e dua na iulutaga ena iwase vakatokai na “ iKatini kei na Soli Ka” ena Me iSakisaki ni iTabagone. Kerei ira na goneyalewa me ra vola ena vava ni volavola na cava era sa kunea ena iyatu e veiganiti kaya. Sureta e vica vei ira me ra wasea nodra ivakadinadina ena lawa ni ikatini.
Wasea na kalasi ki na rua na iwasewase. Kerea e dua na ilawalawa me wilika na vosa nei Peresitedi Henry B. Eyring “Na Veivakalougatataki ni iKatini,” ka kerea na ilawalawa kadua me wilika na parakaravu 2–13 ni vosa nei Elder David A. Bednar “Na Katuba ni Lomalagi. Kerei ira me ra wilika na vosa, me ra vola na veivakalougatataki eda ciqoma ena noda sauma na ikatini, ka qai vola na veivakalougatataki ena vava ni volavola. Sureti ira na goneyalewa me ra wasea na veivakalougatataki era sotava vata kei na nodra matavuvale mai na saumi ikatini. Tarogi ira ena veivuke vakacava ni ra sa na vakamau vakakina ni ra sa vakamatavuvale na kena bulataki na lawa ni ikatini.

Kerei ira na goneyalewa me ra wasea na veika era sa vulica nikua. Era kila tiko beka na vuna eda sauma kina na ikatini? Na cava era sa bau vakila se vakanananu kina? E tiko beka eso tale na nodra vakatataro? Ena veivuke beka me tauri vakalevu na gauna ena ivunau oqo?

Bulataka na ka eda vulica tiko

Sureti ira na goneyalewa me ra vakasamataka na sala me ra bulataka kina na veika era sa vulica nikua. Me kena ivakaraitaki, e rawa ni ra:

Sauma taucoko na ikatini ka vola na navunavu o ya ena nodra ivolaniveisiga.
Vakacavara na Veika e sotavi ena yavunilewa 7 ena Digidigi kei na Vakatulewa Vakataki Koya mai na Torocake Yadudua.

Wasea vata kei ira na goneyalewa na veika era na vulica tiko ena macawa mai oqo. Na cava e rawa ni ra cakava me ra vakavakarau kina ki na vuli? Me kena ivakaraitaki, e rawa ni ra wilika e dua na vosa, sarava e dua na vidio, se vulica e dua na ivolanikalou e semati ki na lesoni ena macawa mai oqo.

Veisemati ni iTaviqaravi ni iTabagone

Yavutaka e dua na itaviqaravi ni Muavata ka na rawa ni vukei ira na goneyalewa me ra bulataka na veika era sa vulica mai na lesoni oqo.