Na iVakaro

“Vakasamataka na ituvaki ni bula kalougata ka mamarau e nodra ko ira era sa muria na ivakaro ni Kalou” (Mosaia 2:41).

Na ivakaro e lawa ka ituvatuva e solia na Tamada Vakalomalagi lomani vei ira na luvena me vakalougatataki ira, taqomaki ira, ka dusimaki ira lesu tale mai vei Koya. Ena noda taqomaka na vunau, eda vakaraitaka na noda lomana na Tamada Vakalomalagi kei na Luvena, o Jisu Karisito. Ni da talairawarawa ki na ivakaro ka veivutuni tiko ga, eda yaco meda tautauvata vakalevu cake kei na iVakabula ka noda na veivakalougatataki ni marau, vakacegu, ivakadinadina, kei na veitokani ni Yalo Tabu. Na talairawarawa ki na ivakaro e vukei keda meda vakayacora noda itavi vakalou me vaka na luvena yalewa na Kalou.

iTuvatuva mo Digidigi mai kina ena Vula Oqo

• Meu tiko vakacava e vuravura ka sega ni vakavuravura?

• Meu na vorata vakacava na iyaloyalo vakasisila?

• Na cava e vakavurea vei au kei ira era wavoliti au na veika au tukuna?

• Na cava na vu ni noda lolo?

• Na cava na vuna eda vakaroti kina meda vakatabuya na Siga ni Vakacecegu?

• Na cava na vuna e bibi kina meda yalodina?

• Na cava na vu ni noda saumi ikatini?

Muavata

Vakasamataka na navuci ni so na itaviqaravi ka salavata kei na veika era sa vulica tiko na itabagone. Na mataveilawa ni iTaviqaravi ni iTabagone ni Lotu e vakarautaki tu me vukei iko. E vuqa na itaviqaravi ni vuli ena ituvatuva oqo e rawa talega me itaviqaravi vinaka ni Muavata. Cakacaka vata kei ira na mataveiliutaki ni kalasi me digitaki ka tuvai na itaviqaravi ena vaqaqacotaka na veika era a vulica na goneyalewa ena Sigatabu.

Torocake Yadudua

Na itaviqaravi mai na Torocake Yadudua ena veiwekani sara kei na lesoni mai na iwasewase oqori:

Cakacaka ni Yavunilewa ni Digidigi kei na Vakatulewa Vakataki Au 2, 3, kei na 7

Cakacaka ni Yavunilewa ni Yalodina 2, 3, 4; cakacaka yaga 5

Cakacaka ni Yavunilewa ni iValavala Dodonu 2 kei na 4