O Le Aiga Atua

“Matou te talitonu i le Atua, le Tama Faavavau, ma Lona Alo, o Iesu Keriso, ma le Agaga Paia” (Mataupu Faavae o le Faatuatua 1:1

O otootoga i lenei iunite o le a fesoasoani i tamaitai talavou ia malamalama i le natura moni o sui o le Aiga Atua ma matafaioi o sui taitasi i le faataunuuina o le ata o le faaolataga a le Tama Faalelagi. O le a fesoasoani lenei malamalama i tamaitai talavou ina ia malamalama atili ai i o latou faasinomaga ma faamoemoega paia o ni afafine o le Atua.

Otootoga e Filifili mai ai i le Masina Lenei

• O le a se mea tatou te iloa e uiga i le natura o le Aiga Atua?

• Pe mafai faapefea ona ou iloaina lo’u Tama Faalelagi?

• Aisea e taua ai Iesu Keriso i lo’u olaga?

• O a ni matafaioi a le Agaga Paia?

• O ai a’u, ma o ai e mafai ona avea ai a’u?

Faamatalaga i le Faiaoga

I le faagasologa o lenei iunite, atonu e te manao e toe faamanatu atu i tamaitai talavou faapea o suafa o le Atua e paia (tagai Mataupu Faavae ma Feagaiga 63:61). Uunaia i latou e faaaoga nei suafa ma le migao ma le faaaloalo.

Mutuale

Mafaufau pe mafai faapefea ona e fuafuaina gaoioiga ia e fesootai ma mea o loo aoaoina e le autalavou. O loo avanoa le saite o Gaoioiga a le Autalavou a le Ekalesia e fesoasoani ia te oe. O le tele o gaoioiga e aoao ai i nei otootoga e mafai foi ona avea o ni gaoioiga mataalia o le Mutuale. Galulue ma au peresitene o vasega e filifili ma fuafua gaoioiga talafeagai ia e faamalosia ai mea na aoaoina e tamaitai talavou i le Aso Sa.

Alualu i Luma o le Tagata Lava Ia

O gaoioiga nei mai le Alualu i Luma o le Tagata Lava Ia e fesootai ma lesona i le iunite lenei:

O mea faatonuina e fai mo le tulaga faatauaina o le Faatuatua 5

O mea faatonuina e fai mo le tulaga faatauaina o le Amio Atua 1, 2, ma le 6

O mea faatonuina e fai mo le tulaga faatauaina o le Taua o le Tagata Lava Ia 1