Cakacaka Vakalotu kei na Veiyalayalati

“Ena vakatakilai mai na kaukauwa ni bula vakalou ena kena veicakacaka vakalotu” (Vunau kei na Veiyalayalati 84:20).

Na ituvatuva eso ena iwase oqo ena vukei ira na goneyalewa mera kila na cakacaka vakalotu kei na veiyalayalati ni kosipeli. Na veika era sa sotava ena iwase oqo ena vukei ira mera vakavinavinakataka ka doka na veiyalayalati era sa cakava oti ka na vakanamata ki na kena era na ciqoma mai muri oka kina na cakacaka vakalotu ni valetabu. Era na vulica na veituberi kei na veimaroroi era a ciqoma kei na nodra matavuvale ena gauna era a “cakava ka maroroya kina na veiyalayalati tabu [ka] ciqoma na cakacaka vakalotu ni valetabu” (iVoladusidusi 2: Veiliutaki ena Lotu [2010], 10.1.2).

iTuvatuva mo Digidigi mai kina ena Vula Oqo

• Na cava era bibi kina na cakacaka vakalotu ena noqu bula?

• Na cava era bibi kina na veiyalayalati ena noqu bula?

• Na veiyalayalati cava au a cakava ena papitaiso?

• Meu na ciqoma vakacava na isolisoli ni Yalo Tabu?

• Na cava era bibi kina na cakacaka vakalotu ni valetabu?

• Na cava na kena ibalebale meu taura ena noqu bula na yaca i Jisu Karisito?

Muavata

Vakasamataka na navuci ni so na itaviqaravi ka salavata kei na veika era sa vulica tiko na itabagone. Na vanua ni iTaviqaravi ni iTabagone ni Lotu sa tu me vukei iko. E vuqa na itaviqaravi ni vuli ena ituvatuva oqo e rawa talega me itaviqaravi vinaka ni Muavata. Cakacaka vata kei ira na mataveiliutaki ni kalasi me digitaki ka tuvai na itaviqaravi veiganiti ka vaqaqacotaka na veika era vulica na goneyalewa ena Sigatabu.

Torocake Yadudua

Na veika sotavi oqo mai na ivola Torocake Yadudua e sema ki na veilesoni ena tabana oqo:

• Veika sotavi ena yavunilewa ni vakabauta 4

• Veika sotavi ena yavunilewa ni bula vakalou 4

• Veika sotavi ena yavunilewa ni kila ka 4

• Veika sotavi ena yavunilewa ni Digidigi kei na Vakatulewa Vakataki au 5

• Veika sotavi ena yavunilewa ni ivalavala dodonu 3 kei na 4