Perisitua ma Ki o le Perisitua

“O ki o le malo o le Atua ua tuu atu i tagata i luga o le lalolagi” (Mataupu Faavae ma Feagaiga 65:2.

O le a fesoasoani otootoga i lenei iunite i tamaitai talavou ina ia malamalama ai i le perisitua ma auala e mafai ai ona faamanuiaina i latou i le taimi nei faapea ma a latou matafaioi uma i le lumanai i le avea ai ma afafine o le Atua. E mafai e tamaitai talavou ona maua le malosi silisili ma agavaa mo faamanuiaga o le faaeaga a o latou faatino pea le faatuatua ia Iesu Keriso ma a o latou mauaina le mana o le Atua e ala i sauniga o le perisitua latou te maua ma feagaiga latou te osia. Fesoasoani atu ia i latou e aoao o le perisitua o le mana o le Atua ma o loo faaaogaina e faamanuia tutusa ai Ana fanau uma lava, o alii ma tamaitai uma. Fesoasoani ia i latou ia malamalama pe a latou auauna atu i le Ekalesia, latou te galulue i lalo o le taitaiga a taitai o e umia ki o le perisitua. Ona o lenei mea, latou te auai ai i le galuega faaleperisitua.

Otootoga e Filifili mai ai i le Masina Lenei:

• O le a le perisitua?

• O a ni ou tiutetauave i le galuega o le perisitua?

• O a ki o le perisitua?

• E faapefea ona ou mauaina le mana ma faamanuiaga o le perisitua i lo’u olaga?

• O le a le uiga o le lagolagoina o o’u taitai o le Ekalesia?

Faamatalaga i le faiaoga

Ia faaeteete i tamaitai talavou o e e le o i ai le pule o le perisitua i le aiga pe o i ai ni faataitaiga leaga i o latou olaga. E taua le aoao atu o le mea sao, ae ia i ai le faaeteetega i nei tulaga.

Mutuale

Mafaufau pe mafai faapefea ona e fuafuaina gaoioiga lea e fesootai ma mea o loo aoaoaina e le autalavou. O loo avanoa le saite o Gaoioiga a le Autalavou e fesoasoani ia te oe. O le tele o gaoioiga e aoao ai i nei otootoga e mafai foi ona avea o ni gaoioiga anoa o Mutuale. Galulue ma au peresitene o vasega e filifili ma fuafua ni gaoioiga talafeagai e faamalosia ai mea o aoao e tamaitai talavou i le Aso Sa.