Kulonda dilongolola dia Nzambi buetu
Dituilangana Dia Buloba Bujima bua Bansonga Bakulumpa
Dialumingu dia matuku 18 Ngondu Muibidi 2024
Mukulu Ulisses Soares: Tshiena bualu tshietu tshialonda tshidi “dilonda dilongolola dia Nzambi buanyi.”
Panyima pa diumvua nkonku yenu, ndi njinga bua kubikila Muanetu Muluma Webb bua kuamba muenenu wenda pa bualu ebu. Bidi bimpa anyi?
PHILIPPINES CEBU—Lukonku 8
Mukulu Soares, ndi mujinga bua kuela lukonku. Mu tshikondu kayi tshiwuvua mumanya nkayeba ne Nzambi uvua bushuwa mu bintu bionsu bia moyo weba?
BRESIL—Lukonku 3
Mukulu Soares, mushindu kayi undi mua kumanya ne ndi ngenza bidi bilombibua kudi Tatu wa mu Dîulu buanyi ne bidiyi muanyisha bua masungula andi ngenza?
Muanetu Muluma Chad H. Webb: Musangu wa kumpala umvua bushuwa mumvua nanku uvua pamvua mupeta dibenesha dia nkambua mukulu. Nyuma wakangambuluisha bua kumanya ne Mukalenga mmumanya ne mujinga bua kungambuluisha mu bionsu bia moyo wanyi. Katshia ku tshikondu atshi, kuakalua misangu kayiyi kubala imvua mumona ne mu biumvua. Bushuwa bu muena bukenji mvua mumona tshianza tshienda mu moyo wanyi ne mu mioyo ya bantu ba bungi apa mu Mexico. Kumpala kua bukenji buanyi, mvua ne bundu bua bungi ne bowa bua kuyukila ne bantu. Mu bukenji buanyi Mukalenga wakambenesha mu mishindu milenga, ne bidi bushuwa binshintulula bionsu bidi bishala bia moyo wanyi.
Kadi tshilejilu tshianyi tshinangibua tshidi mushindu uvuayi mungambuluisha bua kututakena ne Kristi. Kumpala kua tuetu kututakena, mvua mutuma mikanda bua mudimu umvua bushuwa mujinga. Mvua mutekeshibua bikola pamvua ntshiyi mupeta mudimu ne mvuluka ngenza disambila dia kadiyi ne kusakidila, ngambila Mukalenga ne kabivua biakana to. Mvua muela meji mu tshilema ne bualu mvua ntêta kuteka lumu luimpa mu tshienzedi, Uvua usua kumpesha tshimvua natshi dijinga. Mbingu mikesa mipita tshishima kuenzekibua, ne mvua mukumbana bua kupeta mudimu mukuabu. Mudimu awu kundombola bua kututakena ne Kristi. Tshidi muyuki mula, kadi bulelela budi ne, bu bintu bienzeka mu mushindu umvua mujinga bua bienzekibua ne mudimu wa kumpala, tshivua ne mua kututakena nenda to. Ndi anu mua kufuanyikija tshivua Tatu wa mu Dîulu mua kuikala muela meji mu disambila dianyi dia kadiyi ne kusakidila. Tshivua ku misangu tshintu bu, “Udi mua kuikala ne lutulu anyi? Ndi ne dilongolola. Ndi ne tshintu tshitamba buimpa bueba wewa pawikala bua kungeyemena.” Ndi ne disanka ne uvua ne bujitu bonsu bua moyo wanyi ne kayi mema to. Ndi mulonga ne udi mudifila mu bionsu bia moyo wanyi ne udi mua kuenza kabidi bia bungi bia mioyo yetu bituvua katuyi mua kuenza Yeya kayiku. Ndi mua kufuanyikija moyo wanyi kakuyi Kristi. Ndi ne disanka ne mumanya biakana tshinguvua natshi dijina bua kuenza. Tshindi mulonga tshidi ne udi mua kumueyemena ne mutshima weba onsu.
Mukulu Soares: Tuasakidila bua dilongesha dilenga, Muanetu Muluma Webb. Balunda banyi banangibua, Nzambi bushuwa udi ne dilongolola buetu. Dilongolola dienda didi moyo wa tshiendelela. Ndi jadika kunudi ne patudi tuenzela budienzedi ne tuangata mapangadika mu buakana, tudi tupangadika mushindu kayi utudi tulonda dilongolola dia Nzambi buetu.