Bujadiki bua Ndekelu
Dituilangana Dia Buloba Bujima bua Bansonga Bakulumpa
Dialumingu dia matuku 18 a Ngondu Muibidi 2024
Amena. Tuasakidila, munangibua. Balunda banyi bansonga bakulumpa ba buloba bujima, ndi musua kunujadikila ne, ditalala mu moyo didi dipetshibua amu kupitshila ku Yezu Kilisto ne ku mulambu wenda wa bupikudi. Ndi nujadikila ne dimueyemena dietu neditukankamika bua tuetu kutungunuka ne kuya kumpala mu moyo ewu, nansha malu makola mikala atukuata. Suayi nuvuluka ne, kulua kudiye kudi kutupesha kabingila ka kutekemena bikola ne kufila dikolesha dikola dia anyima yetu, mu ditupesha ditalala dia mu mutshima mu muaba wa diyoyi ne wa dishintuluka.
Ndi nujadikila ne maboku enda adi makangula ne udi pabuipi ne kutunyungulula dinanga dienda, nansha ne nangananga patudi tudiumvua bajimina, balekela, anyi bashala nkaya. Muaba wa tshijila munkatshi mua maboku a Mupandishi udi muikala ne bunena ne bula bushuwa bua mitshima yetu mitshibuluka, mioyo ikenga, anyima mitapika, ne meji matshioka—bienza nangananga, ne biteka nangananga bua muntu yonsu. Yezu Kilisto udi mukangula bua diakidila dienda ne bua kutunyunguluja mu tshitupâ tshia dinanga ne tshia tshiendelela. Ndi nujadikila ne udi pabuipi misangu yonsu, ne ditudija mutuindila, ujinga bua kuenda netu, nangananga patudi batshioka ne tukeba dikuatshisha ku bujitu buetu. Ndi nubikila bua kunanukila mu disemena pabuipi ne Mupandishi wetu, bua kumupeta mu moyo wenu, ne bua kumvua bukola bua dinanga dienda buenu. Ku ditshienza, nudi mua kuwuja moyo wenu ne bukenka ne nudi mua kuenda nenda.
Ndi nulaya mu dîna dia Mupandishi Yezu Kilisto ne nuenu kanuyi bela nyima ku maboku enda adi makangula ne a dinanga, anyima yenu neyuwujibua ne tshiwudi tshidi tuaba tonsu tua mu anyima yenu. Ndi nulaya ne; nuenu nukeba mu bulelela Mupandishi, bukola buenda bua londopu nebuwuja anyima wenu ne ditalala, bukenka, lumvu, dikima, disanka, ne dinanga.
Mu kanemu ndi manyisha ne Yezu Kilisto udi ne moyo ne dinanga dienda dia buakana didi kudi bonsu badi balua kudiye. Etshi tshidi Ekelezia wenda mupinguluja pa buloba mu tshipungu tshia ndekelu etshi mu dilongolola dia Dilua Dibidi Dienda. Ndi manyisha kabidi ne Nzambi udi ne moyo ne udi mutunanga ne wakatutumina Muanenda bua kutuambuluisha bua tupeta ditekemena, ditalala ne disanka didi kadiyi ndekelu. Ndi nnuanyisha. Tudi ne kanemu buenu ne tudi banunanga bonsu. Ndi ngamba bionsu ebi mu dîna dia tshijila dia Mupandishi ne Musungidi wetu, Yezu Kilisto, amena.