O Le Mulimuli i le Fuafuaga a le Atua mo i Tatou
Faigalotu i le Lalolagi Atoa mo Talavou Matutua
Aso Sa, 18 Fepuari, 2024
Elder Ulisses Soares: O le isi tatou autu o le “mulimuli i le fuafuaga a le Atua mo a’u.”
I le uma ai ona faalogologo i a outou fesili, ou te fia valaaulia Brother Webb e faasoa mai ona mafaufauga i lenei autu. E sa’o?
FILIPAINA CEBU— FESILI 8
Elder Soares, ou te fia fai atu se fesili. O anafea na e iloa ai e oe lava na i ai moni le Atua i auiliiliga o lou olaga?
PASILA— FESILI 3
Elder Soares, e mafai faapefea ona ou iloa pe o o’u ola e tusa ma faamoemoega o le Tama Faalelagi mo a’u, ma ua Ia faamaonia filifiliga ou te faia?
Brother Chad H Webb: Na ou uluai maua na lagona ina ua maua lo’u faamanuiaga faapeteriaka. Na fesoasoani mai le Agaga ia ou iloa e silafia a’u e le Alii ma manao e fesoasoani mai i itu uma o lo’u olaga. Mai lena taimi, ua le mafaitaulia taimi ua ou vaai ma lagona ai lena mea. E mautinoa foi i le avea ai o se faifeautalai, sa ou vaaia Lona aao i lo’u olaga ma olaga o le toatele i Mekisiko. Ae ou te lei faamisiona, sa ou matamuli ma fefe e tautala i tagata. I la’u misiona, na faamanuiaina au e le Alii i ala maoae, ma sa suia moni ai lo’u olaga.
A o la’u faataitaiga sili o Lona fesoaosoani mai ia ma fetaui ma Kristi. I le toeitiiti ma fetaui, sa ou talosaga i se galuega sa ou manao i ai. Sa ou matua le fiafia ina ua le manuia, ou te manatua le faia o se tatalo lē ‘ano’ano, e ta’u atu ai i le Alii e le fetaui. Sa ou mafaufau sese faapea sa ou taumafai e ola i le talalelei, sa tatau ona Ia faia le mea sa ou manao ai. Sa tupu se vavega i nai vaiaso mulimuli ane, sa mafai ona ou maua se isi galuega. Le galuega lena na ou fetaui ai ia Kristi. O se tala umi, a o le mea moni lava, a na o’o le mea sa ou manatu ou te manao ai i le galuega muamua, ou te le feiloai lava ia te ia. E mafai ona ou vaai faalemafaufau i le mea atonu na mafaufau ai le Tama Faalelagi i la’u tatalo lē ‘ano’ano. Atonu o se mea faapea, “E mafai ona tau ina e onosai? E i ai sa’u fuafuaga. E i ai sa’u mea e sili atu mo oe pe a tau ina e faatuatuaina a’u.” Ese lo’u fiafia sa Ia faatonufolau i lo’u olaga ae le o a’u. Ua ou aoao ai o loo aofia ai o Ia i auiliiliga o o tatou olaga, e anoanoai foi mea Na Te faia i o tatou olaga nai lo mea tatou te faia e aunoa ma Ia. Ou te le iloa lo’u olaga e aunoa ma Kristi. Ese lo’u fiafia e sili Lona silafia nai lo a’u i le mea ou te manaomia. Na ou aoaoina e mafai ona tatou faatuatuaina o Ia ma o tatou loto atoa.
Elder Soares: Faafetai mo au aoaoga matagofie, Brother Webb. A’u uo pele, e moni e i ai se fuafuaga a le Atua mo i tatou. O Lana fuafuaga o le ola faavavau. Ou te molimau atu a’o tatou faaaoga lo tatou faitalia ma faia faaiuga i le amiotonu, ua tatou filima’otia le lelei o tatou mulimuli ai i le fuafuaga a le Atua mo i tatou.