Liga Dauveivuke e Vuravura Raraba
Oqo o Stella mai Ghana
Oqo o ira na gone ena Lalai era vukei ira na tamata, me vaka a cakava o Jisu.
Na veika kece e baleti Stella
Yabaki: 11
Mai: Ghana
Veivosa: Vakavalagi kei na Twi
Matavuvale: Tinana, Tamana, kei tacina, o Yaw
Lalawa kei na tatadra: 1) Me laki kaulotu, me vakataki tinana. 2) Me na vakamau ena valetabu. 3) Me dua na dauivakaraitaki isulusulu totoka.
E wili ivolanikalou tiko o Stella vata kei ganena.
Na Liga Dauveivuke nei Stella
E voleka ni veisiga kece, o na raici Stella kei na nona matavuvale ni ratou sikova tiko na marama itaukei ni nodratou vale. E ratou sega ni veiwekani kei koya, ia e rau dau kacivi koya o Stella kei ganena ena “Bubu Cecilia.” E kaya o Stella, “E sa yabaki 83 o koya, ka sega ni dua na luvena.” E raica rawa o Stella kei na nona matavuvale ni gadreva na veivuke o koya ka nanuma me ratou sa na “qaravi” koya.
Sa dau veivuke o Stella ena kena taviraki ka qua na vuloa nei Bubu Cecilia. Ni dau savasava na noda itikotiko sa dua na sala bibi me da tiko bulabula kina. Sa cakava tiko kina o Stella na ka me na vukei vinaka kina o Bubu Cecilia. “A qaravi ira na tamata o Jisu Karisito,” e kaya o Stella, “sa vakauqeti au kina meu qaravi Bubu. Au kila ni dau marau o Jisu Karisito kei Tamana niu dau veiqaravi.”
Veika Talei nei Stella
Vanua: na Valetabu e Accra Ghana (“E sa vakataki lomalagi e vuravura.”)
iTalanoa kei Jisu: “Na Nona a vakani ira na lewevuqa ena rua na ika kei na lima nai buli madrai.”
Sere ni Lalai: “Kacivi mo Veiqaravi (Called to Serve)” kei na “Tamaqu mai Lagi (A Child’s Prayer” (“E rau solia vei au na kaukauwa meu loloma ka veiqaravi.”)
Kakana: fufu (jaina natu kei na tavioka) vata kei na supu kei na lewe ni me
Roka: dromodromo
Ulutaga ena vuli: cakacaka talei ni liga
Droini mai vei Paula Pang