Veisureti ni Liga Dauveivuke
Sa Rawa Mo Veivuke Me Vakataki Jisu!
Ena gauna a tiko voli kina e vuravura o Jisu, a veivuke vei ira kece e raica. A vakani ira era via kana. A vakacegui ira era sa rarawa. A vakavulica ki na tamata kecega na Nona kosipeli. Sa kerei keda tiko o Jisu Karisito meda muri Koya. Ni da sa papitaiso, eda sa yalataka meda tovolea meda cakava na veika sa cakava o Koya.
Nikua e vuqa na tamata e vuravura era gadreva tu na noda veivuke. Eso era galili tu. Eso era via kana. Eso era sa biuta ga na nodra veivale. Eso era se bera mada ga ni rogoca na kosipeli. Sa rawa vei keda yadua meda cakava eso na ka meda veivuke kina.
Na Ka E Rawa Ni Cakava Na Ligamu Dauveivuke
Sa rawa vei ira na gone me ra veisautaka na vuravura ena nodra yalololoma kei na ligadra dauveivuke. Rauta ni 100 na yabaki sa oti, era a veivuke na gone ni Lalai mera tara e dua na valenibula e Salt Lake City, Utah, Amerika. Ena veimacawa, era kauta mai na ilavo lalai eso me baleta na valenibula vou. Ni a dolavi ena 1922, a vakatokai me Valenibula ni Gone Lalai. Oqori e baleta ni ra a veivuke na gone ena kena tarai cake vakalalai, ka vakalalai tikoga!
Ni o rai wavoki, o na kunea e levu na tamata o rawa ni vukea. E rawa ni o wasea na kosipeli ena ivakarau ni nomu bula ka qaravi ira eso tale. E rawa ni o vukei ira me ra vakila na loloma ni Tamada Vakalomalagi.
E Dua na Veisureti ni Veivukei
Ena yabaki oqo keimami sureti kemuni tiko mo ni vakayagataka na yalomuni dauloloma kei na ligamuni dauveivuke mo ni vukei ira eso tale. Na yalo ni marau e tiko vei iko ena nomu vukea e dua e lako mai vua na Yalo Tabu. Ena vakatakila vei iko ni sa marautaka tiko na Tamada Vakalomalagi na nomu sasaga!
Droini mai vei Liz Brizzi