Ira na iApositolo e Vuravura raraba

O Elder Cook Sikova na Yatu Filipaini

Era veiqaravi na iApositolo vei ira na tamata e vuravura raraba ka vakavulici ira baleti Jisu Karisito.

Ni rau tiko o Elder Quentin L. Cook kei Sister Mary Cook ena Yatu Filipaini, a kacabote na yameyame mai na dua na ulunivanua. Erau marau ni rau tiko e kea me rau vukei ira ka vakacegui ira na tamata.

Sa dua na levu ni dravusa ena cagi ka dredre kina na cegu. Eso na tamata era sa biuta ga na nodra veivale. E levu na matavuvale era sa moce ga ena veivale e taukena na Lotu.

E tukuna o Elder Cook vei ira na tamata ni lomani ira na Tamada Vakalomalagi ka na vukei ira.

A vakavinavinakataki ira na lewe ni Lotu o Elder Cook ena nodra veiqaravi va-Karisito vakai ira ka vakakina vei ira na nodra itokani ena veimatalotu tale eso.

“Na Veisorovaki ni iVakabula e kauta mai na vakacegu se cava ga eda sotava tiko.”*

* Tauri mai na Church News, 14 ni Janu., 2020.