Vola o Iko

Au a vakatagitaka tiko e dua na Serenilotu!

Mai vei Raihau T., yabaki 11, Taiti, Varanise Vakapolinisia

Na imatai ni gauna au rogoci Allan kina na tuakaqu ni tabaka na piano ena soqoni ni sakaramede, au a vinakata meu cakava talega vakakina. Sa yaco me dua vei ira na noqu takete niu se Gonelailai ka iTabagone meu vakatagitaka e dua na serenilotu ena soqoni ni sakaramede.

Mai na gauna oya, au sa vulica tiko na piano vata kei noqu momo Ken. Ena veisiga au dau tovolea meu vakatovotovo me rauta ni 30 na miniti. Ni oti e 10 na vula, sa rawa niu vakatagitaka na sere ni Lotu “Dua na Mataka Talei” (Serenilotu, naba 14).

Qai lako mai COVID-19. Era sa bokoca na iliuliu ni Lotu na soqoni ni Sigatabu. Era kaya ni dodonu me da lotu e vale. Erau solia vei keirau o na kei ta e yadua na ilesilesi. Rau a kerei au meu vakatagitaka na sere idola, kau vakatagitaka sara na “Dua na Mataka Talei.” Au sa rawata kina na noqu takete meu vakatagitaka e dua na serenilotu ena soqoni ni sakaramede! Au rawa ni vakila na Yalo ena neitou itikotiko.