E Dua na iTukutuku mai vua na Parofita:
Na Vakabauta Ena Tosoya na Vei Ulunivanua
Mai vei Peresitedi Russell M. Nelson
Tauri mai na “Sa Tu cake tale ko Karisito; Na Vakabauti Koya ena Tosoya na Ulunivanua,” Liaona, Me 2021.
Na veika vinaka kece ni bula—kei na veivakalougatataki kece sara—e tekivu ena vakabauta. Ena iVola Tabu, a yalataka o Jisu ni kevaka meda “vakabauta me vaka na sore ni musita,” eda sa na rawa ni tosoya na veiulunivanua (Maciu 17:20). Na nomu ulunivanua e rawa ni nomu galili, vakatitiqa, tauvimate, se lomaleqa tale eso.
Na soreni musita e matataka na vakabauta e lailai ia e tubu tiko. Na soreni musita e tekivu ka lailai ia e tubu cake me vunikau levu ka vakasova kina na manumanu vuka e tabana. Au kerei kemuni mo ni tekivu nikua mo ni vakalevutaka na nomuni vakabauta. Oqo eso na sala e rawa ni o tara cake kina na nomu vakabauta kei na veivakabauti.
-
Vulica na veika baleti Jisu Karisito ena wiliki ni ivolanikalou. Vulica na Nona cakamana.
-
Digitaka mo vakabauti Koya. Vakasamataki Koya ena veisiga.
-
Cakacaka ena vakabauta. Papitaiso ka vakayagataka na sakaramede.
-
Kerea na Tamada Vakalomalagi me vukei iko.
Na nomu vakabauti Jisu Karisito ena tosoya na vei ulunivanua. Na vakabauta ena vukei iko mo veisautaka na vei ibolebole ki na veimadigi vakasakiti.