Vola o iko

Au na raici taciqu tale

Mai vei Isabella S., yabaki 11, Utah, Amerika

Na macawa e tarava e nona siganisucuna taciqu lailai o Keperieli. Me sa yabaki vitu kina, ia a tauvi koya na mate ni mona ka sa takali yani ena rua na yabaki sa oti. Ena Lalai eda lagata kina na “Kecisemani.” E matata ka vakaibalebale na qaqana. E vakasinaita na rumu ena Yalo.

Ni oti na sere, a wasea o Sisita Webster na nona ivakadinadina me baleta na Veisorovaki i Jisu Karisito. E vakasinaita na rumu vakalevu cake ena Yalo. A qai tukuna na nona a mate o tacina ena vica na yabaki sa oti. E vakavuna meu vakasamataki Keperieli, ka voleka niu sa tekivu tagi. Au vakasamataka na iotioti ni gauna au a keveti Gabe kina. Au rarawa, ia au a vakila talega na vakacegu.

A tukuna o Sister Webster na nona dau marautaka ni kila ni na raici tacina tale. E kaya o koya ni kila ni o keda kece eda na raici ira na noda daulomani era sa lako yani.

Ni oti na Lalai au a mokoti Sister Webster. Keirau a tagi vata me vica na miniti. E kaukauwa sara na Yalotabu. A kaya vei au ni‘u na raici taciqu lailai. E kaya ni Veisorovaki i Jisu Karisito e sega walega ni baleti ira na tamata ca ia sa baleti ira talega era sotava tu na mosi. A taroga na veika au calata vakalevu duadua me baleti Gabe, kau kaya niu sa calata dina na nona dredre.

Au a kaya vei Sister Webster niu sa rarawa sara baleta ni siganisucu nei Gabriel na macawa o ya kau sa gadrevi dina meu kila niu na raici taciqu. tale A tukuna vei au o koya ni tuturu ni wainimata keirau a tagi tiko kina era wainimata ni reki. Au rawa ni vakila na Yalo, kau kila na ka e kaya ni dina. Au kila niu na raici Keperieli tale, ka vakavuna meu marau vakalevu. Au lomani koya. Au kila ni baleta ga ni lomani au o Jisu Karisito, a solia kina na nona bula me rawa kina niu raici Keperieli tale.

E rawa ni o raica na sere “Kecisemani” ena iTokani ni Maji 2018 se Liaona.