Veivukei me Vakataki Jisu

Okati Ira na Tani ko Jisu

Ena dua na siga era a lako yani e dua na ilala gone me ra laki raici Jisu Karisito. Era a tukuna na nona tisaipeli me ra lako tani. Ia a kaya o Jisu, “dou laivi ira na gone lalai mera lako mai vei au” (Marika 10:14). E sega ni vinakata me vakuwai ira. E vinakata me tiko vata kei ira baleta ni lomani ira.

A tauri ira na gone e ligana na iVakabula. A vakalougatataki ira o Koya. A vukei ira mera vakila ni ra sa ka bibi.

Sa rawa mo wilika na italanoa taucoko ena Luke 18:15–17 kei na Marika 10:13–16.

E Rawa ni Dua Noqu iTokani Vou

• Vakaraica e dua na tamata vou e rawa ni drau sotava.

• Cakava e dua na ituvatuva mo dua na itokani vei ira.

• Vakamuria na nomu ituvatuva!

• Kotiva na kadi oqo mo dau nanuma tiko mo dau veivukei me vakataki Jisu.

Au vakila niu galili ena gauna ni vakacagicagi, au mani kerea e dua kevaka e rawa ni qito vata kei au. Keitou sa tekivu qitotaka na joke, ka vuqa tale na tamata era lako mai, ka sa rui lasa! Kevaka o vakila na galili, sa rawa mo kerea e dua me qito vata kei iko!

Kanyin P., yabaki 8, Colorado, Amerika

O sa saga tiko beka mo vakataki Jisu ena nomu vukei ira na tani? Vola ka tukuna mai vei keimami! Lako ki na waqana e muri mo raica kina na kena icakacaka.