Te Rongorongo n te Maungatabu mairoun te Burabeti
A Na Mwaing Maunga Man te Onimaki Irouna
Te bitaki man “E A Uti Kristo; A Na Mwaing Maunga Man te Onimaki Irouna,” Riaona, Meei 2021.
A bane n tikiraoi bwaai ni kabane n te maiu aei—ao kakabwaia n tatabeua nako—a moanaki ma te onimaki. Inanon te Baibara, e berita Iesu bwa ngkana iai ara “onimaki n ai aron uaan te makeke,” ti na kona ni kamwaing maunga (Mataio 17:20). Ami kangaanga tao te maroa, nanokokoraki, aoraki, ke kangaanga riki tabeua.
Atin te aroka ae te makeke ae uarereke e tei ibukin te onimaki ae rikirake. Atin te aroka ae te makeke e uarereke ma e bwebwerake bwa te aroka ae bubura are a katei ngao iai mannikiba ni mwaangana. I butiko bwa kona moana karikirakean am onimaki n te bong aei. Aikai kawai tabeua aika ko kona iai ni karikirakea am onimaki ao onimakinam.
-
Reirei taekan Iesu Kristo man warekan booki aika tabu aikai. Reirei taekan Ana kakai.
-
Rineia bwa ko na onimaki Irouna. Iangoa Taekana ni katoa bong.
-
Karaoia ma te Onimaki. Bwabetitoaki ao taua te toa.
-
Bubutia Tamara are i Karawa bwa e na buokiko.
Am onimaki iroun Iesu Kristo e na kamwaing maunga. Te onimaki e na buokiko ni biti kakaewenako nakon taai aika kamimi.