Koreaki Iroum
I Katanga te Anene!
Iroun Raihau T., ana ririki 11, Tahiti, French Polynesia
Te moan tai are I ongo taekan tariu Allan ae ikawai ni katanga te biano n tain te bootaki n toa, I tangiria ni kan karaoa naba te bwai anne. E riki bwa teuana aia kouru au Ataei ao Kairake ni katanga te anene n te bootaki n toa.
Man te tai anne, ao I a tia n reirei katangan te biano ma ai tamau Ken. Ni katoabong ao I kataia ni kataneiai n te maan ae 30 te miniti. Imwiin 10 te namwakaina, I a kona ni katanga te anene “Ana Moan n Tataro Iotebwa Timiti” (Boki n Anene, nambwa. 26).
Ngkanne e roko te COVID-19. Taan kairiiri n te Ekaretia a kamaunai bootaki n te Tabati. A taekinna bwa ti riai ni karaoa ara taromauri ni mweengara. Mom ao Dad anganiira tabera. A tuangiira bwa ti na katanga te anene ni kaukuki, ao I katanga “Ana Moan n Tataro Iotebwa Timiti.” I kakoroa nanon au kouru ni katangan te anene n te bootaki n toa! I kona n namakina te Tamnei inanon mweengara.