E ibuobuoki Carolina
E na kanga ana ibuobuoki Carolina nakon raoraona?
E kataia n ongora nakon te tia reirei. Ma e rang tabetabe nanona iroun raoraona ae Ramón. Akea irana!
E taraa n ae e mmwaa irana teutana imwin teutana. Ma ngkai e bon mara raoi atuna.
E ongo Carolina te bwanaa mai bukina. A ngarengare Cesar ao Luis. Tera ngke a aki bwaningarea Ramón.
Ma ngke ingabong, ao e taraa ni babaraaki Ramón. E aki te roko ni katea baina. E taraa n nanokawaki. E tangiria Carolina bwa e buokia n namakina te kukurei.
E a boo te tai n takakaro i tinaniku. Ramón bon te moan aomata n otinako man te umwanreirei. Ngke e otinako Carolina, e aki te roko n noria! E aki ira te butibooro. E aki takakaro n tamwarakean tain biti. E aki naba ira te karekarawa are e kairaki iroun te tia reirei.
Awarei! E teitei Ramón i tabon te oo. A mena naba ikekei Cesar ao Luis. E mwananga Carolina nakoia.
“Ao bon taraa buburan atuuna E kangoongo Cesar.
E ngare Luis. “Ngai naba N na kamaraa atuu ngke arona ba e bureti irau.”
E katimoia baina Ramón. E taraa n ae e na tang.
E biri Carolina nakon Ramón. “Ti a nako n takakaro?” e tuanga Ramón. E anga baina, ao a uaia n airi nako. A aki tei ni karokoa a roko i rarikin aia tia reirei. Akea ae kona ni kangongo ikai.
“Ko tangiria ni karekarawa?” E titiraki Carolina.
E katoua atuna Ramón. E korei rainin aia takakaro.
“Ko raoiroi?” e titiraki.
“Eng, akea te kanganga.” E moangare Ramón. “Ko rabwa ngkai ko buokai.”
E wingare Carolina. E kukurei ngkai e kona n ninikoria ni buoka raoraona!
Kamataata n te tamnei iroun Hollie Hibbert