Te Rao nakon te Rao
Ibuobuoki n ai Aron Iesu
Ngke I Buraimwari, e a tibwa kawakawa mwaneu, ao tariu e a tibwa bungiaki. E bon rangi ni bati taben tinau ibukin tararuakia ni katoa bong, ngaia are ngkana I oki man au reirei, I buokia. I katokaa mwaneu n ana kaa n nakonako ao I mwananga ni katobibi auti n ara karinan, ni kaokiokia. Ti karakina te aonaaba ae tamaroa ao ti tarai mannikiba, manin aontano, ao aia man kaain rarikira. Bon te bwai ae uarereke, ma e korakora mwina! E buoka tinau n kakukureia ao n anganna te motirawa. E buoka ara utu ae bwanin. Bon te kawai n ibuobuoki n aron are e tangiria Iesu bwa ti na karaoia.
Ko na Kangaa ni Ibuobuoki?
Ngkai ko mena n te Moanrinan, ko kona n ibuobuoki n am mwakuri n akoi aika uarereke. Ngkana ko kabonganai baim ni buokiia tabeman, ko tei ibukin Iesu. Ko buokiia tabeman n namakina Ana tangira.
Reiakina rongorongon Iesu. Ao titirakiniko, “Tera ae e na karaoia Iesu?” Iai aomata aika mena irarikim aika a kainnanoa te ibuobuoki. Aomata aikai a mena ni mwengam, ke n am kaawa.
Ngkana ko karaoi bwaai aika uarereke, e na buokiko te Tamnei ae Raoiroi n namakina te kukure. Ko na ataia bwa ko karaoa te bwai ae karaoia naba Iesu.
E kakawaki naba karekean te ibuobuoki mairouia tabemwang. Ngkana a buokiira tabemwang, ti kona n namakina ana tangira te Tia Kamaiu ibukira!
I tangiri ngkami! I ataia bwa e tangiriko Iesu Kristo! Ko na namakin Ana tangira ibukim ngkana ko kabongana baim ni buokiia tabemwang.
Baim n Ibuobuoki
Rongorongom
Ririki:
Mairoun:
Taian Taetae:
Am Utu:
Kouru ao Kanoanimii:
Karakina arom n ibuoubuoki ni mwengam ke n am kaawa:
Tera am namakin ngke ko buokiia tabemwang ke ko ira Iesu?
Baika A Mamate Nanom Iai
Te tabo:
Rongorongon Iesu ae ko tatangiria:
Kunam n te Moanrinan:
Kanam:
Kara:
Ae ko Reiakina n te Reirei:
Kamataata n te tamnei iroun Simini Blocker