Ana Tienoo Papa
E riki te karaki aei i Tahiti.
E tekateka Allan i aon te kaintekateka ae te kai i tinanikun ana auti. E a bung taai. Kaai aika baam a kona n noraki irarikin karawa ae kanga a bingke n aoranti.
E raira baan te boki are warekia. Bon akea iai taian tamnei. Ma e aki tabe iai Allan. E tatangira warekan ana tienoo tamana aei!
E waaki n tarai ana koroboki aika tamaroa Tamana. E uringa mwakoron te karaki aei! E karika ngarena n tainako.
E aki maan ao, e otinako Papa. “Ai bon tera ae kangare?”
“I wareware n am koroboki.” E moangare Allan. “E kakaongora rongorongon taian nii.”
“Aa, ko nanona au tienoo.” E tekateka Papa i rarikin Allan. “A koreaki iai rongorongou. Tiaki tii rongorongou. Iai naba iai rongorongom. Ao rongorongon naba Mama, ao tarim ma mwanem.”
“Kanga Nibwaai!” E taetae Allan. “E korea rongorongon maiuna, ao rongorongoia naba ana utu.”
“Ngaia anne!” E kaeka Papa.
“E kakaongara riki rongorongom,” e taku Allan. “Are rongorongom ngke ko mitinare i Tahiti.”
“Ngai I tatangiri riki rongorongom ,” E taetae Papa. “Ko ataia ae e reke aram man ana kauoua n ara Unimwaane Bednar?”
“Ko tuai n tuangai anne! I kan wareka rongorongon anne.”
E wingare Papa. “E tiraua taian karaki i nanon au boki ake I kokoroboki iai. I waakina au koroboki n te tienoo ngke waniua au ririki.”
“Ma ngke waniua am ririki?” E titiraki Allan. “Kanga ko a, kaman kokoroboki.”
E ngare Papa. “Nanona ngkanne I a rang kara.”
E bae n iango Allan. “E a kaan koro waniua au ririki,” e taetae. “E kona n reke au tienoo ae n na kokoroboki iai ngkana I koronririki?”
“Au ngkai e na aki!” E kaeka Papa.
“Bwa I aonga ni kona ni korei rongorongou bwa aonga natiu ni kona ni wawareki.”
“E taraa n ae anne katein ara utu!” E kaeka Papa.
Kamataata n te tamnei iroun Alessia Girasole