I Aki Maroa
E tangiria Damián bwa a na iri ana utu nakon te taromauri.
E tara nanon ana baeki Damián n tuoa bwa iai ni kabane ana bwai ake kainnanoi. Oneau nakon te taromauri? Iai. Au kau? Iai. Ana Boki Moomon? Iai. E kaina matan ana baeki, e katinea i aon angana, ao e waaki ni kaitara te mataroa.
“Mamá!” E wewete Damián. “N nang nakoia Abuela ao Abuelo!”
Nei Mamá e bae n rukumi taara. “Ngaia ao buokiia tibum.” E a manga inga ma Damián. “I ataia bwa ko tangiria n nako n taromauri ma ngaiia. Tekeraoi mwanangami nakon te ingabong.”
“Ngaia!” e taku Damián. Ma I tangiria bwa kam na irai, e iangoia.
E nakon te kainibwati Damián. Ni katoa Kaonobong, e tokara te bwati nakon ana kaawa i Ecuador nakon aia auti Abuela ao Abuelo. E matuu irarikiia n te tairki. N te bong are imwina airi ma ngaiia nakon te taromauri.
N ingabongin te Tabati, E katauraoia n oneia imwain te taroumauri. E kanimwi bwatinin ana kabaraaki. E karina ana kau. Ao e nakon te taromauri ma Abuela ao Abuelo.
E rang kukurei Damián n te taromauri. E kukurei n anene ao ni kana te toa. E kukurei ngkai e a manga noria raoraona. Ma e tangiria bwa a na bon iri ni kabane kaain ana utu.
N te bwakantaai anne, Damián, Abuela, ao Abuelo a mwananga nakon aia auti te utu ae te Ruiz. A na kainutu ma ngaiia. E uota te amwarake ae aranaki bwa te flan bwa taonan mwin kanaia.
E boboto te reirei i aon Iesu. Damián e karana tamnein Iesu ngke e ongora nakon te reirei. “E atai bwaai ni kabane ake ti namakin Iesu,” e taku teuae Ruiz. “Ao ngkana ti nanokawaki naba.”
E taraa ana tamnei Damián ae tamnein Iesu. E rangi ni kukurei ngkai e ataia bwa e ataki ana namakin iroun Iesu.
Imwin te tataro ni kainiin, e taetae Abuela “Aio te amwarake te flan. Antai ae kan kanna?”
“Ngai!” E taku Damián. Te amwarake, ae karewerewe aei bon maten nanon Damián! Ao e rangi ni bwaati Abuela ni kuukana te flan.
Imwin te kainutu, Abuela e katea ana bwati Damián bwa e aonga ni kona n okira mwengana. E baraaki Damián n taraa aontano.
“Iai te bwai ae riki?” E titiraki Abuela.
E mata n aki kukurei Damián. “Ngke ngkai a iri n taromauri kaain au utu.”
“Anne naba au iango,” e taku Abuela. E irabwati ma Damián. “Ma a bon rangi n tangiriko kaain am utu. N reitaki ma Abuelo ao ngai ao a bati riki!”
E a roko te bwati. E tekateka Damián n uakaan ma te wintoo ao e kaboo nakon Abuela ngke e butinako te bwati.
Ao Damián e iangoa ana taeka Abuela. E iangoia tinana ao tarina ma mwanena. E ataia bwa a bon rangi n tangiria. Ao e a manga uringa ana tia reirei n te Moanrinan. Ao te utu ae te Ruiz. Ao Abuela ma Abuelo. A bane n tangiria.
Ao riki, E ataia Damián bwa e tangiraki iroun Tamara are i Karawa ma Iesu. Ao mai ikanne are e aki naba maroa
Kamataata n te tamnei iroun Julissa Mora