Taian Bwaeoniia ni Katoai Aba
E Reke Kaekaana Iroun Dinis
E beroro ana maetureti Dinis ngke e rabinobino iaona. E aki rau ni matu n te tairiki anne. E aki reke matuna!
Ao teraa ngkana arona bwa a kairua mitinare? E iango Dinis. Ai tera ngkana e kairua te aro aei? Ao e uara ngkana I a mena n te kawai ae kairua? A tiku ni katabetabea titiraki aikai.
A kaaina te Ekaretia kaain ana utu Dinis uoua te ririki n nako, ngke 10 ana ririki. Ngke a roko mitinare n reirei ma ngaiia, E namakinna Dinis bwa e koaua baike a reirei iaona. Dinis ao ana utu bon koraki ake taan moan kaaina te Ekaretia i Botukare. Dinis bon te bwaeoniia!
Ma kanga e manga raraoma ngkai. E uara ngkana e kairua ana rinerine ni bwabetito?
Akea ae tuangnga ana kangaanga. E aki tuangiia tarina ke mwanena. Ao ana karo naba. Ma n te tairiki aei, e bon tiku n ana iango.
E katinakoa te ang. E taraa naano mai iaon te kainiwene. A matunako tarina n te kainiwene are mai nano. Ai bon tii ngaia ngkai Denis.
E ataia bwa e riai n butiia te Atua koauan te Ekaretia. E katorobubua i rarikin ana kainiwene. E kabaraaka atuuna ao e waaki n tataro.
“Taiaoka, te Atua,” e taetae n aamarau Dinis. “Tuangai ngkana e bon noriko Iotebwa Timiti ngkoe ma Iesu.”
E mwaiti ana tai n tataro Dinis mai mwaina. Ma e okoro n te tai aei. E korakora nanona ni kan ataia. E kakorakora n tataro ibukin buokana.
“I aki tangiria bwa e na bure au rinerine,” e wirikiriki. “I kan ataa koauana.”
Imwin aei ao iai te bwai ae namakinna Dinis. Te namakin e korakora man kakukurei. E rikirake ni karokoa ae e roota rabwatana ni kabane. E onrake n te kukurei ae korakora!
E ataia Dinis bwa te namakin anne bon te Tamnei ae Raoiroi. E kaekaaki ana tataro iroun te Atua! A bon eti aia reirei mitinare. Iotebwa Timit bon te burabeti ni koaua. Ao karekean te bwabetito bon tiaki tii te rinerine ae raoiroi. Bon te kabanea n tamaroa n rinerine.
E wene n tararake Dinnis ao n taraa te tiiring. A akea raraomana. E katika ana burangketi ao n rabunna iai. E aki ataia, ae ngaia e a matunako.
Ngke e a tabe n ikawai Dinis, e teimatoa n uringa te tairiki are e tataro iai i rarikin ana kainiwene. E ataia bwa e mena n te kawai ae eti ngkai ngaia kaain ana Ekaretia Iesu Kristo. Ao e ataia bwa Tamara are i Karawa e na teimatoa n ongo ana tataro.
Botukare bon te aba ae mena i Eurobe Maeao.
Iai iaon Botukare teuana te tembora. E katabuaki i nanon 2019.
Iai ana tabo ni boki Botukare ae te kabanea ni maan n te aonaaba.
E bwabetitoaki Dinis n te tabo n tebotebo n ana tabo te mition.
E beku bwa te mitinare ngaia i Tibein, Botukare, ao i Aberika.
Dennis ma tarina ao mwanena ni kabane aika teniman a bane n nako ni mitinare n te tai ae ti teuana!
Kamataata n te tamnei iroun Sammie Francis