Man te Moan Beretitentii
Ngkoe natin te Atua ae Bati n Tangiraki
E anaaki man te Kaongora ibukiia Ataei are te Rao nakon te Rao: 2021.
Raoraou aika tangiraki aika a uarereke, I tangiri ngkami! Ngkana I tarai ngkami, I noria tibuu. Kam ataia ae i nanon au utu, ao iai 100 mwaitia tibutoru aika a bwaka aia ririki iaan 12? A bon wanawana man kakateke, n ai aromi.
Ngkoe natin te Atua ae bati n Tangiraki. Taiaoka uringa te koaua anne. Ngkana ko aki mwamwaninga te koaua anne, ko kona ni kaitarai kangaanga nako ma te onimaki ao te ninikoria.
Ngke ko bwabetitoaki ao man kamatoaki, ko karaoa am berita bwa ko na iriira te Uea. Ao E berita bwa e na mena Tamneina Iroum ni kairiko. Bon iangoa te oota ao te tangira are ko kona n anga nakon te aonaaba ngkai ngkoe te tia iriira Iesu Kristo!
Raoraou aika uarereke, I kakatonga iroumi ni kabane! I ataia bwa e tararuai ngkami Tamara are i Karawa. E rangi n tangiri ngkami, ao I tangiri ngkami.
Ana Babaire ni Kakukurei Tamara are i Karawa
Karani tamnei aikai bwa ko aonga n reiakina ana babaire Tamara are i Karawa. Warekia riki n Aberaam 3–5.
Ti maeka ma Tamara are i Karawa imwain ae ti bungiaki.
E tuanga Iesu Kristo bwa e na karika te aonaaba ibukira.
E mwakuri Iesu ni karaoa taai, namwakaina, ao taian itoi bwa a na anga te oota.
E mwakuri Iesu ni katamaroa te aonaaba n taian aroka ma uee. E karika te ika, mannikiba, ao taian man.
Imwina e waaki Tamara are i Karawa ni katuka Atam ao Ewa, ara moan karo, iaon te aonaaba.
E tangirai ao e tararuaai Tamau are i Karawa.
Kamataata n te tamnei iroun Elise Black