Te Rao nakon te Rao
Te Rairannano n te Ereweita
Ngke 11 au ririki, au utu a maeka iaon te bora 12 n te kateitei teuana i Hong Kong. Ni katoa bong imwiin te reirei, I biri nako nanon te kateitei aio ao n buti iaon te elevator nakon ara ruu.
Te bong teuana ao I rinnako n te elevator ao n taonii bwatinna ni kabane bwa aonga ni bane n ura. Nanona te ereweita ea bon tootoki naba ni katoai tabo. A moanna n in mataroana, ma bon te kakubanako ngke ea rin naba te bai n kaukii mataroana. Bon temanna mai buakoia kaain rarikiu. E aki taekina te bwai teuana ibukin bwatin akekei, ma I bon rangi n nanobwii. I namakinna ae ea rangi n aau te roko ni mweengau!
Ni bon koauana, e bon toki te elevator ni katoaa te floor, e tataninga, ao e a manga moan waaki naba. Bon ngke e uki mataroa akekei n au tabo, I a biri naba n otinako. I bon rangi ni maono ngke I roko ni mweengau ibukin are I kabiri mwaakai!
Teutana te tai imwiin okiran mweengau, e tang te tareboon. Bon kain rarikira are man te ereweita. I rangi n nanobwiia tian tinau n tareboon.
Ngke e tia n tareboon, e titirakinai tinau, “Ko bane n taonii bwatinin te eereweita?”
I a bon aki kona ni kewe nakon tinau. “Eng,” I taku.
E moangare tinau. “Ngaia, ti a nako eeta n maroro ma kain rarikira.”
Ti uaia n tamwarakea te kaintamwarake. I katanga beeron te mataroa, ao e roko kainrarikira nakon te mataroa. I boboobaraaki ngke I kabwara au bure ibukin taonakin bwatin ni kabane. I berita bwa N na bon manga aki oki ni karaoia.
E bon akoi kain rarikira arei. E taku, “Ti ngkana ko berita bwa ko na aki manga karaoia, I taku bwa e bon tamaroa.”
E rangi n tamaroa au namakin imwiin kabwaraan au bure. I aki manga oki n taonii bwatinin te ereweita.
Te taneiai aio e reiakinai arou n rairannanou. I ataia I a tia ni karaoa ae kairua. I namakina te rawawata ao bubutii kabwaraan au bure. Ao I berita N aki manga karaoia. Imwina ao I a namakina te kukurei! Te rairannano e kona n uota te kukurei nakoim.
Kamataata n te tamnei iroun Alyssa Tallent