Man te Moan Beretitentii

Te Tokanikai iaon Taian Kakaewenako

President Dallin H. Oaks

Iroun Beretitenti Dallin H. Oaks

Moan Kauntira n te Moan Beretitentii

Elder Oaks as a young boy looking sad at school

Te kakaewenako nakoiu ae moan te korakora ngke te ataei ngai bon maten tamau. Bon itiua au ririki n te tai anne.

E bon rangi n tamaroa tinau ao n rangi n akoi tibuu. Ma I bon taatang n taainako. N te reirei raou n reirei a waningareai ibukina bwa I kabi ni katangiman ke n numera raoi. Tabeman mai irouia ake a ikawai a bon ikanai iaon te bao n reirei. I miia bwa e na iai au taarena n aroia tabeman ake a nang mwaatai n te takakaro ke n rangi ni bwanaaraoi n te anene.

Imwiin tabeua te tai, I a namakina ae nakoraoi. A teimatoa n tangirai au utu ao n buokai naba. I teimatoa ni mwakuri, ao imwiin teutana ao ea raoiroi au kekeiaki n te reirei. I kunei naba bwaai ake e tamaroa iai au kekeiaki. I mwakuriia bwa N na kona n mwaatai iaon bwaai akanne. E bon buokai Tamau are i Karawa.

Elder Oaks as a young man in a graduation cap

Ngkai ti ikawairake, e bane n iai kakaewenakoara. Tabeman mai ibuakora a mamaara nanoia ke toaraan rabwataia. Tabeman a kainano ao aikoa reke te tararua ae tamaroa nakoia ke te reirei. Tabeman a bon iowawa aomata nakoiia ibukin karan kuniia ao te tabo are a roko mai iai.

Kona kangaa n tokanikai iaon Taian Kakaewenako?

• Onimakina Tamara are i Karawa. Ti kona n namakina te bwara n nano, ma ti riai n onimaki Irouna. E tangiriia natina ao e berita bwa e na kakabwaiaaira.

• Reitinako ni kataia. E a tia n reireiniira te Uea bwa a bane n kakaokoro tibwangara. Ti kona n kunea oin tibwangara. Ngkanne ti a kona n kabonganaa n katamaroaa iai maiura ao n beku ibukiia raora.

E aki kakawaki bwa roora te bong imwiin bungin taai, e na bon teimatoa n oota ngkana ea manga otirake taai. Aio bon te koaua ni maiura. Ngkana e bonotaki kawaira, ti kona ni kakaea te kawai riki teuana. Ngkana e taraa n kanganga te bwai teuana, ti kona n waaki n teimatoa ao n karikirakei arora inanona.

I berita bwa te Tama are i karawa e na buokiko n tokanikai iaon Taian Kakaewenako. E tangiriko ao e na buokiko ni karikiko riki bwa te aomata are E tangiriko bwa kona riki bwa ngaia.

I Kona n Tokanikai i aon Kariiri

coloring page of girl hiking up mountain

Ti kona n namakina te bwara n nano n tabetai, ma ti riai n onimakina [Tamara are i Karawa]. E tangiriia Natina ao e a tia ni berita bwa e na kakabwaiaiia. Reitinako ni kataia.”

Beretitenti Dallin H. Oaks

Kamataata n te tamnei iroun Alyssa Petersen