Te Takakaro buaka n te Bwatika
A taku raraona bwa e na kakamanga. Ma e bon aki eti.
E kabutimwakaa ana bwatika Sam nako etan te tabuki. E raraa mooa. E rin te eea inanon iran atuuna. Raoraona are Liam e bon bwatika irarikina.
“Ko a kua?” E taku Liam.
“I a bon aki!” E taku Sam.
Raraoia are Eric ea kaman roko n te marae are i etan te tabuki.
Komm schon! Nakomai!” e takarua.
Sam ao Liam a roko i taubukin te tabuki. Ao a katikui aia bwatika ikekei n tekateka iaan te kai teuana.
E tabeka te atiibu Liam n karenako. “I a botu.” Aki nang bati taabo ae a kona n kawarii n aia kaawa ae uarereke iaon Switzerland.
“Ngai naba,” e taku Eric. E kaaranako te baereka n ana kai.
Ti kona n teimatoa n bwatika, e taku Sam.
E kainii matana Liam ma te aki kukurei. “Ai bon tii anne naba ae ti kakaraoia.”
“Ti a karaoa te bwai ae kakamanga!“ E taku Eric. E kibarake ao n rianna nakon tenaan bwatika ike a katukaki iai bwaatika. A rimwiina Sam ma Liam.
E namakinna te kiinongnong i birotona Sam. Tabetai baike e taku Eric ma Liam bwa e kakamanga e bon aki rangi ni kamanga nakoina. A tatangiria n kanaenaeiia ataei Eric ao Liam ao a bon tataetae naba n ae aki tamaroa n te reirei. Ma tao n te tai aio e na bon kaokoro.
Irarikina, eaki nang bati ataei ni mwane n ana kiraati Sam. Ngke tao arona bwa tiaki raraona Eric ma Liam, e nang bon antai raraona?
Ti a koutii matan tenaan bonota man rabwana ni kabane, e wirikiriki teuare Eric. Ti kona n karabai irarikin te aroka E katorobubua irarikin te bwatika ae e uraura ao n kouta te mata ae e plastic maiaon tenaan rabwa.
E ngare Liam. “Eng! Anne e na bon rangi ni kakamanga
E katinakoa te ang Sam. Tiaki. Ngkai e aki naba kaokoro. “I aki ataia,” e taku. Tao ti nang riai n nako
E bukinibaiaki Sam iroun Eric. “Oh, Nakomai!” e taku nakoiu. Akea ae tarataraira
“Bon baika a uarereke,” e taku Liam. “Akea ae e na ataia ae a kounako.”
E kataia n aki tabeakina te namakin n aoraki i birotona. Anaakin matan te valve e na bon aki urua te bwatika. E kakui tabon angana ao e katoutoua atuna.
A bane n anai matan te valve man rabwan te bwatika ao n biri n okira te aroka. A bane n karabai mataia iaan te atibu teuana ao a tekateka n taratarai tenaan bwatika. A ngarengare Liam ma Eric.
E aki maan ao ea rianna temanna te mwane, e kanakoa rokan ana bwatika ao ea bwatika nako.
“Ko noria? E aki naba ataia, E taku Liam.
Ma ngai I ataia e karaua ni iangoia Sam.
Ni kabanea te bong anne, e bon aki toki iangoakin matan tenaan valves akekei iroun Sam. E bon tangiria bwa e na kaokia nakoia, ma akea ana anga n kakaea taan bwaibwai n bwatika ikekei. E katorobubua ao n tuanga te Tama are i Karawa baike a riki.
E rangi ni buakaka au namakin, e taku Sam. I tangiria bwa e na bon aki riki. Taiaoka kabwara au bure, te Tama are i Karawa.”
N te bong are imwiina, a manga bwatika nako naba Sam ma raraona akekei.
E a manga taetae riki Eric, “Ti a anai matan tenaan valves!”
E a manga kaenga naba Liam.
E uringnga ana tataro Sam. Ao n te tai aio, I namakinna bwa I ninikoria teutana.
“I taku bwa ti a riai n aki karaoia,” E taku.
“E aera tina aki?” E taku Liam, ma te ubu n rawawata. “Akea temanna ae e ataia ngkoananoa.”
I aki ataia ngkana N na kukurei ngkana iai ae kuaa naba au bwatika, e taku Sam. Imwain ae ana kona ni kaeka naake uoman, e kibara ana bwatika. “Ti a kaboo uaia nakon te tabo ni kabuki, e takarua!” e takarua. Ao ea bwatika ni kabanea butina.
A manga kurii aia bwatika Eric ao Liam.
E aki riai! Ko a bon rimoara naba,” e takarua Liam.
E wiingare Sam ngke e nooria raoraona bwa a rimwii imwina. E wirikirikina n karabwaa te Tama ae i Karawa. E a nanoraoi riki.
Kamataata n te tamnei iroun Shane Clester