Karekean Te Rau
“Taiaoka buokai bwa N na aki namakina te maroaa.”
E kataia n aki tang Molly ngke e kaboo ma tarina, Macy. “I tangiriko!” E taku Molly. E inga nakon Macy n ae korakora.
Ti a kaitibo inanon tabeua te namwakaina, e taku Macy. E nang kitana mwengaia Macy nakon te kura n reirei ae rietata. Temanna mai buakoia mwanen Molly e a kaman nako n reirei naba n te kura ae rietata. Ao mwanena are temanna e mwakuri ni mitinare. E a bon roko uringngakiia iroun Molly ae korakora!
E koonaki bain Molly iroun tinana. A matakuakina butinakon Macy. Ti na bon ururingnga, e taku tinana. E bon ranran matana.
Molly e okirikaki n rinnako n ana auti. E nakon ana ruu ni matu Macy are akea kaina ngkai ao e kaina te mataroa. E a tekateka iaon ana kainiwene Macy ao ea moana tangina.
Iai temanna ae karebwerebwe iaon te mataroa. A rinnako tinana ao tamana. A inga nakon Molly. A bane ni kaai n tekateka iaon ana kainiwene Molly niua e toki tangin Molly.
“I ataia ae ko nanokawaki ngkai akea Macy,” e taku tamana. E aera ti aki tataro n utu? Ti kona n bubutia Tamara arei i Karawa bwa e na buokiira n kabebeteira. Ko kona n tataro, Molly taiaoka?”
“E RAOIROI.” E bobaraaki Molly. Tamara are i Karawa, ti karabwako ibukiia kain ara utu ni kabane - ibukin Will, Parker, Macy, ngai, ao tinau ao tamau. Ti karabwarabwa kai akea tokin te utu. Buokiira bwa tina namakina te rau. Ao buokai bwa N na aki namakina te maroaa.”
Molly e uringnga arona n kakaraki ma Macy imwain matuuia. Ma e ataia ae te Tama are i Karawa e ongo ana tataro. E ataia bwa E na bon buokiia n kabebetea.
N te bong are imwiina, e bon rangi n akea te beroro n ana auti Molly! E uringnga aron ngarengarena ma Macy ngkana a katauraoia nakon te reirei. E uringnga aroia ni uaia n kaingabong ao ni kakaraki. N tabetai ao Macy e bon kaongoa bwaai ake e reiakin n te tieminari. E nanamakina te rau Molly ngkana a maroroakina te euangkerio.
Ao bon anne raoi! E reke ana iango Molly.
E katauraoia n reirei Molly. Ao e kawara tinana.
“Mauri, tinau.” E koonaki iroun tinara. Ko a tauraoi nakon te reirei?”
“Ti kona n wareka teuana te rongorongo man te maungatabu imwain nakou?” E titiraki Molly. “I ataia bwa e na bon buokai ni kabebeteai.”
E wiingare tinana. “Anne te iango ae tamaroa.”
A bon tibwatibwa aia tai ni wareware n te rongorongo teuana man te maungatabu ni kabuta iaon karekean te rau. E kimwareirei naba Molly ni kabanea ana tai ma tinana. E bon kakukurei n te namakin man warekan te rongorongo arei ma ngaia.
Ngke a tia, e wiingare Molly. “Ti a manga karaoia riki!”
E bon teimatoa n ururingngiia Macy, Will, ao Parker. Ma e aki rangi ni maroaa. E kaekaki ana tataro! E kimwareirei naba ni kabanea ana tai ma tinana ao tamana. Ao aia taeka burabeti e kona n buokia n karekea te rau.
Kamataata n te tamnei iroun Liz Brizzi