Jera n̄an Jera
Ukweļo̧k ilo Erepeta
Ke ekar 11 aō iiō, baam̧le eo aō rekar jokwe ilo juon em̧ kileplep 12 būļoor ie ilo Hong Kong. Aolep raan ālkin jikuuļ, ij ettōr n̄an em̧ kileplep in im iuwe ilo elepeta eo n̄an m̧weo e kemij jokwe ie.
Juon raan ikar iuwe ilo elepeta eo im kar jipede aolep batin ko bwe ren ebbōl. Kiiō elepeta eo enaj kar bōjrak ilo aolep būļoor ko. Kōjem̧ ko rekar jino kilōk, ak m̧ōkajin wōt an juon pe delontok ilo elepeta eo im kōpeļļo̧k kōjem̧ eo. Ekar juon iaan ro jokwe tūru ijo lōn̄ kōm ej jokwe ie. Ekar jab ba jabdewōt kōn batin ko, ak ikar lukkuun ikum̧ļo̧k. Ekar en̄jake āinwōt n̄e ekar lukkuun to ao tōpar m̧weo im̧ō!
Aeet em̧ool, elepeta eo ekar bōjrak ilo būļoor eo tok juon, bōjrak jidik, innem bar etal wōt. Iien eo wōt ke kōjem̧ ko rej peļļo̧k ilo būļoor eo aō, ikar kajju diwōj. Ikar tōpar ļo̧k m̧weo im kar lukkuun menokadu kōnke ikar kakōtkōt!
Ejjab to jān iien eo ke ij tōpar m̧weo, ekar riin̄ taļeboon eo. Ekar eo me ej jokwe tūru ilo elepeta eo. Ikar ikum̧ļo̧k ilo aō kōttar an jinō kar kōnono ilo taļeboon eo.
Ālkin an kar likūt taļeboon eo, jino ekar kajjitōk ippa, “Kwar ke jiped aolep batin ko ilo elepeta eo?”
Ikar jab maron̄ riab e jinō. “Aaet,” ikar ba.
Jino ekar ettōn̄ dikdik. “EKWE, jen etal n̄an lōn̄ im kōnnaan ippān in ritūrir.”
Jekar wōnlōn̄ļo̧k n̄an lōn̄ ippān doon ļo̧k. Ekar jan̄ beel eo ilo kōjem̧ eo, eo ritūru ekar diwōjtok. Ikar jilļo̧k im ba joļo̧k bōd bwe ikar jipede aolep batin ko. Ikar kallim̧ur ke ijamin bar kōm̧m̧an bar juon alen.
Eo ritūrim ekar lukkuun jouj. Ekar ba, “Toon wōt am̧ jamin bar kōm̧m̧ane, ij ļōmņak em̧m̧an.”
Ālkin ao kar joļo̧k aō bōd n̄an e, ekar em̧m̧an aō mour. Im ijamin kar bar jiped aolep batin ko ilo elepeta eo.
Menin ekar jipan̄ eō ekkatak kōn ukweļo̧k. Ikar jeļā bwe ikar kōm̧m̧ane juon men ebōd. Ikar burom̧ōj im ikar kajjitōk joļo̧k aō bōd. Ijamin kar bar kōm̧m̧ane. Innem ikar en̄jake m̧ōņōņō! Ukweļo̧k emaron̄ bar bōktok lem̧ōņōņō.
Kōmeļeļe jān Alyssa Tallent