Kar jeje jān Kwe
Kōttōpar ko n̄an Peptaij
Ilo Nobōm̧ba 2019, ikar ped ipen bamle eo ao im kar ron̄jake juōn an Elder Gong konono eo im ear bok jikin kin doulul ko an Ajiri im Jodikdik ro. Ālkin wōt, bisop eo aō ekar letok jet bok jiddik n̄an jipan̄ kōttōprak kōttōpar ko am.
Kōttōpar eo aō m̧oktata ej n̄an kadedeikļo̧k aō riiti Bok in Mormon m̧okta jān an rualitōk aō iiō n̄an kōppopo n̄an peptaij eo aō. Emoj aokar jino riiti ak ilo an ejjeļo̧k aō itok limo. Ak raan eo ikar kōm̧m̧an juon karōk ippān jema. Jekar lale jete jebta ko ikar aikuj riiti ilo kajjojo raan n̄an kadedeikļo̧k Bok in Mormon m̧okta jān peptaij eo aō. Ikar jino riit kajjojo raan im ikar kōkaļļeiki n̄e ej dedeļo̧k aō riiti kajjojo jekjōn.
Ilo aō riit, ikar kōņaan kōm̧m̧ane elōn̄ļo̧k men ko rem̧m̧an. Kōn menin ikar kobaļo̧k ilo jitlo̧k eo an Būreejtōn Nelson me ekar kōjjeļāiki n̄an jipan̄ bōbrae COVID-19. Ikar m̧ōņōņō ke ikar maron̄ kōm̧m̧ane juon jitlo̧k eo elikio. Ro jinō im jema rekar kapilōk eō n̄an bar jar im jitlo̧k n̄an bōk naan in kam̧ool eo aō make kōn Bok in Mormon im kōn peptaij.
Ilo Jabōt eo jinoin tata ilo Māe eo, ikar jar im jitlo̧k. Ejjab to ālkin, ikar kadedeikļo̧k aō riiti aolepān Bok in Mormon. Ikar lukkuun kijoroor n̄an peptaij eo aō—ilo raan eo aō. Ikar en̄jake aō pojak n̄an kōm̧m̧ane bujen in ippān Anij! Ijeļā bwe Bok in Mormon ej m̧ool. Em̧m̧an ippa riiti, im ilukkuun m̧ōņōņō bwe ikar tōpar kōttōpar in kōn jipan̄ eo an baam̧le eo aō.
Kōmeļeļe eo jān Rosalie Ledezma