Kabūļabļab kōn Bajikōļ Eo
Ro m̧ōttan rekar ba enaaj lukkuun kōjak. Ak ekar jab en̄jake ke ej juon men em̧m̧an.
Sam ekar lukkuun iim̧ an patōļe bajikōļ eo waan lōn̄ lok ioon toļ jidikdik eo. Ekar mal m̧aanļo̧k. Kōto̧ eo ej uuk ļo̧k koļan bōran. Eo m̧ōttan Liam ekar bar pātoļ lok turin.
“Kojino ke mōk?” Liam ekar ba.
“Eban!” Sam ekar ba.
Eo m̧ōtaer etan Eric ekar tōpar wōt kadede ilo paak eo ilo lōn̄in toļ jidikdik eo.
“Komm schon! Itok ļo̧k!” ej lam̧ōj ļo̧k.
Sam im Liam rekar tōpar lōn̄ in toļ jidikdik eo. Ļaddik ro rekar paake bajikōļ ko waer im jijet ium̧win juon wōjke.
Liam ekar bōk juon dōkā im kadkad kake. “Ilukkuun jelimo.” Ejab kanojlōn̄ jikin ko n̄an jam̧bo n̄ani ilo bukwōn jiddik eo aer ilo Switzerland.
“Bar n̄a,” Eric ekar ba. Ekar bikirļo̧k bok ko kin juon aļaļ.
“Jemaron̄ bajikōļ wōt,” Sam ekar ba.
Liam ear kōkm̧anm̧an turin mejān. “Edde ne men jej aolep ien kōm̧m̧ani.”
“Jen kōm̧m̧ane juonmen ekōjak!” Eric ekar ba. Ekar kelōn̄ļo̧k im etetal lok nan ijo jikin bajikōļ ko woj, ijo bajikōļ ko woj rej paak ie. Sam im Liam rekar ļoor e.
Lojeen Sam ekar kankan. Jet iien ta eo Eric im Sam rej ļōmņake ekōjak ejjab kōjak ippān. Eric im Liam rekar kōņaan kakūtotoiki jet bar ajri im ba naan ko renana ilo kūlaaj. Ak bolen iien in enaaj oktak.
Ejjab menin wōt akjon̄an ladrik eo ilo kūlaaj eo an Sam elukun iiet. Eļan̄n̄e enkar jab m̧ōttāiki Eric im Liam, enaaj kar wōn eo m̧ōttan ?
“Jen bōk bo̧o̧r in wiil in neen bajikōļ kā aolep,” Eric ekar unoojdikdik. “Jemaron̄ ņoji turin wōjke eo.” Ekar bukwelōlō turin juon bajikōļ būroro rabōlbōl im tūm̧i bo̧o̧r in wiil eo jen juōn iaan wiil ko.
Liam ekar ettōn̄. “Aaet! Enaaj lukkuun kōjak.”
Sam ekar bōk kūtwōn. Ejjab. Iien in ekar jab oktak. “Ijjab jeļā,” ekar ba. “Bōlen jej aikuj etal.”
Eric ej kaņōktok pein Sam. “A, itokļo̧k!” ekar ba. “Ejjeļo̧k ej erreitok.”
“M̧ōttan dikdik men kan,” Liam ekar ba. “Ejjeļo̧k juon enaaj jeļā ke rejako.”
Sam ekar kajeon jab ļōm̧ņake en̄jaje eo ej kabņōņō ki. Ilo aer bōke bo̧o̧r ko eban kakkure bajikōļ ko. Ekar kōmakitkit airan im emajidjid.
Ļaddik ro jilu rekar m̧ōkaj in bōk aolep bo̧o̧r ko jān wiil in bajikōļ ko im kakōtkōtļo̧k n̄an wōjke eo. Rekar ņoje aolep bo̧o̧r ko ium̧win juon dōkā im jijjet n̄an waje bajikōļ ko. Liam im Eric rekar ettōn̄ dikdik.
Ejjab to juon em̧m̧aan ekar itok, kōpeļļo̧k ļak in bajikōļ eo an, im m̧ootļo̧k kake.
“Lale? Ekar jab jeļā,” Liam ekar ba.
Ak n̄a ikar , Sam ekar ļōmņak.
Aolepān raan eo, Sam ekar jab bōjrak an ļōmņak kōn bo̧o̧r ko. Ekar kōņaan bwe en bar karo̧o̧li ļo̧k, ak ekar ejjeļo̧k iaļan n̄an kappukot armej ro waan bajikōļ ko. Ekar bukwelōlō im ba n̄an Jemedwōj Ilan̄ kake.
“Ej nana aō mour,” Sam ekar ba. “Ikōņaan bwe in kar jab kōm̧m̧ane. Jouj joļo̧k aō bōd, Jemedwōj Ilan̄.”
Raan eo tok juon, Sam im ro m̧ōttan rekar bar bajikōļ ļok kōn bajikōļ ko waer n̄an bar paak eo.
Bar juon alen, Eric ekar ba, “Jen bar bōk bo̧o̧r ko!”
Bar juon alen, Liam ekar errā.
Sam ekar keememej jar eo an. Im iien in, ekar en̄jake an peranļo̧k jidik.
“Ijjab tōmak jej aikuj,” ekar ba.
“Etkejab?” Liam ekar ba, ilo an mejān inepata. “Ejjeļo̧k juon ekar jeļā inne.”
“Iban kar kōņaan bwe juon en kakkure bajikōļ eo waaō,” Sam ekar ba. M̧okta jen an juon iaan ļaddik ro kar uwaak, ej kelo̧k ioon bajikōļ eo waan. “Iakōj ļo̧k n̄an m̧ōn wia pilawā en!” ekar lam̧ōj. Innem ekar jino an iim̧ im patōļ jon̄an wōt an maron̄.
Eric im Liam rekar bar jibwe tok bajikōļ ko waer.
“Ejjab em̧m̧an! Kwōļe m̧aan,” Liam ekar ba.
Sam ekar mejān ettōn̄ n̄an ro m̧ōttan ke rej iakwoj ippān. Ekar unoojdikdik im kam̧m̧oolol Jemedwōj Ilan̄. Ekar en̄jake an em̧m̧anļo̧k an mour.
Kōmeļeļe ko jān Shane Clester