Kappukot Aenōm̧m̧an
“Jouj im jipan̄ eō bwe in jab ajimakeke.”
Molly ekar kajjieon̄ bwe en jab jan̄ ilo an iakwe sister eo an, Macy. “Ij iakwe eok!” Molly ekar ba. Ekar lukkuun atbokwo̧je Macy.
“Inaaj lo eok ilo jejjo allōn̄,” Macy ekar ba. Macy ekar em̧akūt jān kapijuknen eo an n̄an etal n̄an kaļōj kiiō. Juon iaan bratōr ro an Molly ekar pād ilo juon kaļōj ettoļo̧k. Bratōr eo juon an ekar pād ilo mijen. Molly enaaj lukkuun o̧o̧n̄ kake er aolep!
Mom ekar buul depiji pein Molly. Rekar kalimjōke an Macy m̧ootļo̧k. “Jenaaj o̧o̧n̄ kake,” Jinō ekar ba. Ekar wōr dān kōmjaļaaļ mejān.
Molley ekar etetal ļo̧k n̄an m̧weo. Ekar etal n̄an ruum eo an Macy me ejjeļo̧k kobban im kilōk kōjem̧ eo an. Innem ekar jijōt ioon beet eo an Macy im jino an jan̄.
Juon armej ekar kōļaļļaļ ilo kōjem̧ eo. Jinō im jema rekar deļon̄ tok. Rekar atbokwoje Molly. Rekar aolep jijet ioon beet eo an m̧ae ekar jako an Molly kōmjaļaaļ.
“Ijeļā kwoburom̧ōj bwe ejako Macy,” Jema ekar ba. “Etke jejjab jar āinwōt juon baam̧le? Jemaron̄ kajjitōk ippān Jemedwōj Ilan̄ n̄an jipan̄ kōj bwe en kaeņōm̧m̧an kōj. Kwomaron̄ k jouj im jar, Molly?”
“EM̧M̧AN.” Molly ekar jilļo̧k. “Jemedwōj Ilan̄, kōm̧ij kam̧m̧oolol Eok kōn aolep ilo baam̧le in am—kōn Will, Parker, Macy, n̄a, im M̧am̧a im Baba. Kōm̧ij kam̧m̧oolol Eok bwe jemaron̄ erom̧ juon baam̧le indeeo. Jouj im jipan̄ kōj en̄jake aeņōm̧m̧an. Im jipan̄ eō bwe jen jab en̄jake ajimakeke.”
Molly ekar o̧o̧n̄ kōn aerro Macy kajoor bwebwenato n̄e rej tin kiki. Ak ekar jeļā bwe Jemedwōj Ilan̄ ekar ron̄ jar ko an. Ekar jeļā bwe Enaaj jipan̄ e bwe en em̧m̧anļo̧k an pād.
Jibbon̄ōn eo tok juon, m̧weo m̧ōn Molly ekar lukkuun ejjeļo̧k keroro ie! Ekar o̧o̧n̄ kōn aerro kajoor Macy ettōn̄ ippān doon ilo aer kōppopo n̄an jikuuļ. Ekar o̧o̧n̄ kōn aerro kajoor m̧abun̄ ippān doon im bwebwenato. Jet iien Macy ej ba n̄an e kōn ta eo ekar ekkatak ilo Seminary. Aolep iien Molley ej en̄jake aeņōm̧m̧an n̄e rej bwebwenato kōn gospel eo.
Kar men in! Molly ekar wōr juon an itia.
Molly ekar kepopo n̄an jikul. Innem ekar lo jinen.
“Iakwe, jjitōnbōro!” M̧am̧a ekar atbakwoj e. “Kopokal k n̄an jikuuļ ?”
“Jemaron̄ ke riiti juon ennaan jān kweilo̧k eo eļap m̧okta jān aō etal?” Molly ekar kajjitōk. “Ij ļōmņak enaaj jipan̄ eō bwe en em̧m̧anļo̧k aō mour.”
M̧am̧a ekar ettōn̄ dikdik. “Ej juon itia em̧m̧an!”
Rekar kajjojo riiti juon ennaan jān kweilo̧k eo eļap kōn kaeņōm̧m̧an. Molly ekar itok limo in joļo̧k eļap iien ippān m̧am̧a. Ekar juon en̄jake eo em̧m̧an ilo aō riiti ennaan eo ippān.
Ke rekar dedeļo̧k, Molley ekar ettōn̄ dikdik. “Jen bar kōm̧m̧ane einwot in!”
Ekar o̧o̧n̄ wōt kake Macy, Will, im Parker. Ak ekar en̄jake an diklok an ajimakeke. Jar eo ekar uwaak! Emaron̄ kar joļo̧k eļap iien ippān jinen im jemān. Im naan ko an rikanaan ro remaron̄ in jipan̄ e lo aeņōm̧m̧an.
Meļeļe ko jān Liz Brizzi