Jān Būreejtōnji eo Kein Kajuon

Anjo̧ ioon Apan̄ ko am

President Dallin H. Oaks

Jān Būreejtōn Dallin H. Oaks

Rikakpilōklōk eo Kein Kajuon ilo Būreejtōnji eo Kein Kajuon

Elder Oaks as a young boy looking sad at school

Apan̄ eo aō eļaptata ke ikar juon ajri ekar ilo tore eo jema ear mej. Kar jiljilimjuon aō iiō.

Jino ear lukun emman im ritto ro jibu im jimmao rekkar jouj bareinwot. Ak ekar lap ao jan̄ im obrak kin dānin kōmjaļaal . Ilo jikin jikuuļ, ro m̧ōtta ilo kūlaaj eo rekar kōm̧m̧an kōjak kake na kōnke ikar jab maron̄ jipeel ak jela bonbon Jet iaan ajri ro rerūtto ekkā aer kōmenin̄i eō ilowaan baj in jikuuļ ko. Ikar kōņaan bwe en kar wōr aō kapeel ko āinwōt ro jet me relukkuun jeļā ikkure ak jeļā al.

Ālkin jet iien, ekar jino an em̧m̧an aō mour. Baam̧le eo aō rekar iakwe eō im jipan̄ eō. Ikar wōnm̧anļo̧k wōt kate eō, im jidik jidik ekar em̧m̧anļo̧k aō katak ilo jikuuļ. Ikar bar loe jet men ko me ikar bar maroni. Ikar niknik n̄an kōkm̧anm̧anlok im kaļaplok kapeel kein reped ippa. Jemedwōj Ilan̄ ekar jipan̄ eō.

Elder Oaks as a young man in a graduation cap

Ilo ad eddōkļo̧k, jej aolep jelm̧ae apan̄ ko. Jet iaad ewōr aer nan̄inmej ak wōtam̧we ilo ānbwin. Jet rejeram̧ōl im rejjab maron̄ bōk kein taktō ak jeļāļo̧kjeņ ko rem̧m̧an. Jet enana aer kōm̧m̧an n̄an er kōnke oktak kōļar in kūlier ak ijo rej itok jān e.

Ewi wāween am̧ maron̄ anjo̧ jān apan̄ ko am̧?

• Lōke Jemedwōj Ilan̄. Emaron̄ nana ad mour jet iien, ak jej aikuj lōke ilo E. Ej iakwe ajri ro nejin im ekar kallim̧ur n̄an kōjeram̧m̧an kōj.

• Kajjieon̄ wōt. Irooj ekar katakin kōj bwe kajojoiaad ewōr ad menin letok ko. Jemaron̄ kappukot menin letok ko ad make. Innem jemaron̄ kōjerbali n̄an kōkm̧anm̧anļo̧k mour ko ad im jipan̄ ro jet.

Jekdo̧o̧n jon̄an an marok ilo ālkin an tuļo̧k al, enaaj meram wōt aolep iien n̄e al ej tak. Mool menin ilo mour ko ad. Eļan̄n̄e juon iaļ ekilōk, jemaron̄ bar kappukot bar juon iaļ. Eļan̄n̄e juon men ejpentok n̄an ad kōm̧m̧ane, jemaron̄ wōnm̧anļo̧k wōt im eddōkļo̧k ilowaan.

Ij kallim̧ur bwe Jemedwōj Ilan̄ enaaj jipan̄ eok anjo̧ ioon apan̄ ko am̧. Ej iakwe eok im enaaj jipan̄ eok erom̧ ta eo Ej kōņaan n̄an eok.

Imaron̄ Anjo̧Ioon Apan̄ Ko

coloring page of girl hiking up mountain

“Jemaron̄ en̄jake ad ebweer ilo jet iien, ak jej aikuj lōke ilo [Jemedwōj Ilan̄]. Ej iakwe ajri ro nejin im ekar kallim̧ur n̄an kōjeram̧m̧an kōj. Kajieon̄ wōt.”

Būreejtōn Dallin H. Oaks

Kōmeļeļe ko jān Alyssa Petersen