Te Rongorongo n te Maungatabu mairoun te Burabeti
Karekean te Rau i Nanom
Iroun Beretitenti Russell M. Nelson
Anaaki man “Tataekinan te Euangkerio n Raoi” ao “Mwaakan te Maiu n Tamnei,” Riaona, Meei 2022.
I tangiriko ao I tataro ibukim ni katoabong. A mwaiti kangaanga n te aonaaba. Te itabarara ao te butinaoraki a tia n rootia aomata aika a mwaiti. Te aonaaba e kainnanoa te ibuobuoki.
Iesu Kristo bon te Uea n Raoi. Ana euangkerio bon ti te kawainakon karekean te rau. E bati kainnanoana ngkai, ti kainnanoa te rau are bon tii mai i Rouna.
Taan iriira Iesu Kristo a riai ni katei banna ni katoto ibukin te aonaaba ni kabane bwa a na iria. Tina kanga ni kantaninga te rau bwa e na riki n te aonaaba tii ngkana ti ukoukora te rau inanon maiura? Akea ae e kona n totokoa aia mwakuri tabeman. Ma ti kona n taui arora i bon iroura.
Taiaoka karaoa am kabanea ni kona ni katoka te itabararaa inanon maium. Bwaina te nanorinano, ninikoria, ao te korakora. Anne e na buokiko ni kabwarai aia bure tabeman ao n ukora te kabwarabure ngkana ko a tia ni karaoa te kairua. Bubuti te mwaaka mai iroun Iesu Kristo ao Ana Mwakuri ni Kamaiu bwa e na buokiko.
Iesu bon te Kristo! E maiu! E tangiriko ao e na buokiko.
Kabanea te Karaki
Tera ae kona karaoia ngkana e riki te un iroun tarim, mwanem, ke raraom? Rinea teuana man te tamnei are i nano. Ngkanne korea te tamnei ke koreia bwa kona kanga ni karekea te rau.
Un
Anaakin aia bwai tabeman
Iowawa
N na kanga ni kunea te rau