Koreaki Iroum
Nako Tekateka i Rarikina
Sierra F., 12 ana ririki, Utah, USA
N te bong teuana n te reirei, I ongo bwa e karaoaki te iowawa nakon te ataeinimwaane. I rotaki n te nanokawaki. E aki riai ni karaoaki aei nakoia aomata.
Imwin aei, a bootaki kaain ara kiraati. Te ataeinimwaane are e bwainikirinaki e a kaman roko ao e tekateka n tii ngaia. Ngke I nooria, I uringa te bwai are e riki. I ongo te bwanaa ae tuangai bwa N na nako n tekateka irarikina. Ma I aki tangiria bwa tii ngai ae N na tekateka irarikina. Tao e na bon raoiroi, I taku n au iango. Tao e bon aki kainnanoa temanna n tekateka irarikina. I kataia n aki tabe ma te namakin anne.
E a manga roko riki te bwanaa nakoiu, ae korakora riki. Nako tekateka i rarikina.
I taraa te ataeinimwaane aei. E taraa ni maroaa ao n nanokawaki. OK, N au iango. Ngke I tekateka irarikina, e taraa ni mwengabuaka. I kaota arau nakoina ao I a manga titirakinna arana. N te moantai, I rang raraoma. Ma ngke ti a kakaraki, I namakina te rau. Ao e a aki taraa ni maroaa ke n nanokawaki riki.
Ngke e nang nakon ana kiraati, I tuanga bwa ti a manga reitaki imwina. E ngare teutana ao e kaeka Ngaia. E nakoiu au tia reirei man taku, “Ko rabwa, Sierra. Ko rangi n akoi.” I katoutoua atuu.
E baiti n nako te bong, ma e aki nako mairou namakinan te rau. I ataia I a tia ni karaoa ae eti. N tabetai a bwainikirinaki aomata ngkana a kaokoro. I aki tangira anne, ma e bon riiriki.
Ngaira ni bane bon natin te Atua. Ti riai n akoiia aomata. Ngkana ti karaoa aei, I ataia bwa e na kakabwaiaira te Atua.
Korotamnei iroun Kristin Sorra