Na Veitau Yaubuka
E kaya na parofita me da kakua sara ni cegu ena vakavakarau.
E vadugu na yavai Luke ena qele. A rai vuki yani. Sa volekati koya mai na tacina, o Robert!
“Busi! Vulimemu! A kaya o Robert.
A sosokiki yani o Luke. A cemuria wavoki na ganena qase cake, o Mili.
Ni oti na qito, e ratou a dabe taucoko me ratou vakacegu.
“Na cava e rawa ni ‘datou qitotaka qo?” A taroga o Mili.
E marau o Luke ni tiko o iratou na tacina me ratou qito vata. Ia na COVID-19 sa veisautaka e levu sara na ka. E sega ni rawa ni ratou lako ki na veivanua e levu kina na tamata. Ka so na gauna e sega mada ga ni vakatarai me ratou tiko e tautuba.
A tovolea o Luke me vakasamataka e dua na qito e rawa ni ratou qito taka. A qai vakasamataka e dua na ka a rogoca ena Lalai.
“Au vakabauta ni dodonu me tou cakava e dua na ka me ‘datou vakavakarau kina,” a kaya o Luke.
“Na cava o tukuna tiko? A taroga o Mili.
E raica yani o Luke na vuni quwawa era tu wavolita na nodratou vale. “E kaya na parofita me da kakua sara ni cegu ena vakavakarau. E rawa beka ni tou cabuka nikua. E rawa ni ‘datou cakava me dua na qito me laurai se o cei ena rawata vakalevu duadua!”
E ratou a cici yani o Luke kei iratou na tacina ki na vei vunikau volekata na nodratou vale. E binia e ligana o Luke na buka ka cici lesu tale me la‘i binia ena loma ni vatuniloa. Ni ratou yaco yani na tacina, a vukei iratou o koya ena kena bini na nodratou buka. E ratou cici yani ka cici mai me yacova ni ratou sa kumuna vata e dua na ibinibini levu.
“Oqo ena rawa ni caka tiko kina na vakasasaqa me dua taucoko na macawa!” A kaya o Mili.
“E sa bau lasa saraga oya,” a kaya o Robert. “Au taleitaka na vakavakarau!”
“O au talega,” a kaya o Luke. E a vinakata o koya me cakava e dua tale na ka me vakavakarau kina.
Tarava rau a teivaka o koya kei tacina kei ganena na bele (e dua na kakana draudrau drokadroka) ena nodratou iteitei. A kotiva o Luke na tolona mai na vunibele qase me rawa ni ratou tea me tubu vakalevu cake.
Ni ratou cakacaka tiko, e ratou a lako mai tautuba na tubudratou kei rau na itubutubu.
“O a tea beka vakai iko na nomu itei?” A taroga o tukana.
“Io” a kaya o Luke. “Ka keitou sa yaubuka talega!”
“Vinaka vakalevu,” a kaya o Ta. “Au a osooso dina nikua. Au na sega sara beka ga ni cakava rawa.
Ena yakavi oya, a dabe vata kei iratou na nona matavuvale o Luke. E ratou rogoca e dua na itukutuku ena retio me ra na tiko kece e loma me va na siga me tarova na COVID-19 mai na kena vakatetei. E sega ni dua e a vakatarai me biuta na nodra vale.
“E vinaka sara ni tou sa yaubuka rawa nikua. Sa na sega ni rawa ni caka oya ena gauna oqo,“ a kaya o Mili.
A matadredredre o Luke. E marau ni ratou a muria na veisureti ni parofita me ratou vakavakarau.
Droini mai vei Shawna J. C. Tenney