Na Takete Kamica Duadua
Sa sega ni rawa ni wawa o Tevita me lako ki na Valetabu e Dubai ena dua na siga.
A boboka yani ki na suka o Tevita eso na ivavakabi. Ka qai biuta yani ena kena itutu.
Sa dina! A kaya o Na. “E veivakurabuitaki na irairai ni nomu valetabu caka ena tikinisuka.”
“Vinaka!” A kaya o Tevita. “Oqo na Valetabu e Dubai. Au sa sega ni rawa ni waraka me tara na kena ka dina.”
A sa tekivu mamarau tiko o Tevita mai na gauna a kacivaka kina o Peresitedi Nelson ni sa na dua na valetabu vou ena vanua e vakaitikotiko kina o Tevita. E tiko eso na vale cecere duadua e vuravura ena United Arab Emirates. Ia e sega ni dua na valetabu—ena gauna qo. Oqo na imatai ni valetabu ena Tokalau e Loma.
A cobara o Tevita na iotioti ni tiki ni suka ki na nona valetabu. “Ya!” a kaya o koya. “Sa oti.”
A cuva sobu o Na me rawa ni raica vinaka cake. “Totoka! I vei beka na vanua me biu kina?”
A vakasamataka o Tevita. “E vakacava beka na noqu rumu? Tarava na noqu sitimanivanua. E dau taleitaka o Tevita na sitimanivanua. E vinakata o koya me na idinia ni sitimanivanua ena dua na siga.
“Vakasama vinaka oqori,” a kaya o Na.
A kauta sara vakavinaka o Tevita na valetabu tikinisuka ki na nona rumu. A qai tuva vakamalua ena yasa ni nona ivakatakarakara ni sitimanivanua. A sega ni rawa ni wawa me vakaraitaka vei rau na ganena kei ta.
Ena siga ka tarava, a mai veisiko na vugoi Tevita o Ana. E rau veitalanoataka na veika e vakanamata vakalevu tiko kina. A qai vakasamataka e dua na ka.
“O vinakata mo kila na ka au taleitaka vakalevu duadua?”A taroga o Tevita.
“O io!” A kaya o Nei Ana.
“Na lotu au dau lako tiko kina kei na noqu matavuvale e na tara e dua na valetabu e Dubai!”
A matadredredre o Nei Ana. “E rogorogo vinaka saraga oya.”
“E vakakina!” A kaya o Tevita. “Ena gauna oqo, e sega ni dua na valetabu ni neitou lotu e toka voleka, o koya gona ya keitou sa dau gole kina ki na dua na valetabu e Suwitiseladi se Jamani. Au marau ni na dua e sa na mai toka voleka. Au sa tuva e dua na takete me‘u na vakavakarau kina ena noqu gole ki kea.”
“Sa dua na ka taleitaki!” A kaya o Nei Ana. Na cava o sa vakavakarau taka tiko mo na vakayacora?
“Au masu ka wilika na ivolanikalou,” a kaya o Tevita. “Ka‘u tovolea me‘u muri Jisu Karisito. Oti au sa na tuvakarau tu me‘u na gole ki na valetabu.”
“Totoka oya,” a kaya o Nei Ana. “Au kila ni ko na cakacaka vakaukauwa mo rawata na nomu lalawa.”
“Ena vakakina!” A deguvacu ena marau o Tevita. E vakila na marau ni yalona ni wasea vua e dua na ka e bibi vua.
Ena bogi oya, a kerea o Tevita ke rawa ni tosoya na nona valetabu tikinisuka ki na valenikuro.
“Au vinakata me‘u maroroya tiko ena vanua e ‘datou rawa ni raica kina ena veigauna kece. Au vinakata me‘u nanuma tiko me‘u na vakavakarau tikoga me‘u na gole ki na valetabu.”
“Oqori sa dua na vakasama vinaka,” a kaya o Tamana. “Au vakabauta ni laurai tiko na nomu valetabu ena veisiga ena vukei au talega.”
A vukei Tevita o Ta me tokia na valetabu tikinisuka ki valenikuro.
“E rairai vinaka,” a kaya o Kaitlynn na ganei David.
“Ni sa vakacavari na Valetabu dina e Dubai, e rawa beka ni‘u sureti ira na noqu itokani me ra mai raica?” A taroga o Tevita.
A deguvacu o Tinana. “Sa dua sara na vakasama totoka oqori!”
“Kei Nei Ana?”
“O io,” a kaya o Ta.
A matadredredre o Tevita. E sa vakavinavinakataka rawa tiko o koya na Valetabu e Dubai!
Droini mai vei Mark Robison.