Mai na Mataveiliutaki Taumada
Na Rarama kei na Vakacegu ni Valetabu
Mai vei Peresited Henry B. Eyring
iKarua ni Daunivakasala ena Mataveiliutaki Taumada
Tauri mai na “Au Taleitaka Me‘u Raica na Valetabu,” Liaona, Me 2021, 28–31.
Ni o raica e dua na valetabu se na iyaloyalo ni dua e rawa ni solia vei iko na gagadre mo na curuma ena dua na siga. Ena yaco mai na siga mo sa na rawa kina ni taura e dua na ivolatara ni valetabu ka mo na lako i vakayaco papitaiso ena valetabu. Ni ko sa papitaisotaki ena vukuna e dua sa mate, o sa vukea na iVakabula ena Nona cakacaka tabu ni veivakalougatataki ki vua e dua na luvena na Tamada Vakalomalagi.
Ena vica na yabaki sa oti, keirau a lako vata kei luvequ yalewa ki na valetabu. O koya me a iotioti ni papitaiso ena siga oya. A kerea na luvequ e dua na liganicakacaka ni valetabu kevaka e rawa ni tiko vaka balavu ka me papitaiso ena vukudra na tamata kecega era sa vakarautaki tu ena siga oya na yacadra. E a vaka io o koya.
Au a sarava na nona kalawa sobu na luvequ ki na tobu ni papitaiso. E a tekivu na papitaiso. E drodro sobu mai matana na wai ena veigauna yadua e mata cake mai kina mai na wai. E a tarogi e na vei gauna, “E rawa ni ko cakava tale eso?” Ena veigauna yadua, e dau kaya o koya io ena domo dei. E a tiko ga o lewa me yacova ni sa papitaiso oti ena yaca i Jisu Karisito na iotioti ni tamata ka tiko ena ituvatuva ni siga oya.
Au se nanuma tikoga na vakilai ni rarama kei na vakacegu ena neirau taubale tani mai na valetabu. Oqori na sala e veilaveti ka veisautaki keda kina na veiqaravi ni valetabu.
Na Rarama ni Valetabu:
Biuta na vei iyaloyalo oqo ena nomu vale me vakananuma vei iko ni rawa ni o na curu ki na loma ni valetabu ena dua na siga.
Droini mai vei David Habben