Sere taleitaki nei Fatima
A rikarika sobu mai gaunisala o Fatima. A taubale tiko i vale mai koronivuli vata kei Mamá. A vagugutaka voli e dua na sere ni rikarika voli.
“E kerei keimami o Ms Lopez me keimami vulica e dua na sere,” a kaya o Fatima. “E rawa beka ni o vakavulica vei au e dua?”
A matadredredre o Na. “Io e rawa!”
Ni rau yaco yani ki vale, e rau lagata vata o Mamá kei Fatima na sere eso. E rau a lagata e vuqa sara na sere. Ia e rau a sa bera ni lagata na nona sere talei.
“E rawa beka ni‘u lagata e dua na sere ni Lalai?” A taroga o Fatima.
“Io,” a kaya o Mamá.
A lagata sara o Fatima na “Families Can Be Together Forever.” A vakatovotovotaka na qaqana kei Mamá. Oti a qai lagata duadua. A lagata tiko me yacova ni sa taura donu na qaqana taucoko.
E koronivuli, a marautaka sara o Fatima me wasea na nona sere ki na nona kalasi.
“E dua beka e via wasea na nona sere?” A kaya o Ms. Lopez.
A laveliga o Fatima. “O au!”
A tu cake o koya ka matadredredre. “I have a family here on earth. They are so good to me,” a lagata o koya.
Ni lagasere tiko, a marau na yaloi Fatima. A nanuma o koya na qaqa ni sere taucoko! Era vakasausau o ira taucoko ena nona kalasi.
Ni oti na kalasi, a mai kauti Fatima o Mamá. A vosa o Ms. Lopez vei Mamá.
“A lagata e dua na sere totoka. Ka sega sara ga ni bau rere. ”
A matadredredre o Fatima. Sa vakakina o Mamá.
“Keitou dau lagata na veisere totoka eso ena vei macawa e valenilotu!” A kaya o Fatima.
“E rawa ni o lako vata kei keitou ena dua ga na gauna,” a kaya o Mamá.
A matadredredre o Ms. Lopez. Vinaka vakalevu.”
A lagasere voli ga o Fatima ni taubale yani ki vale vata kei Mamá. E dau taleitaka me wasea e dua na sere ki na nona kalasi. Na lagasere e vakamarautaki koya.
Droini mai vei Alessia Girasole