Ol Fren blong Kamp
Long fas ples, Edison i filim hem i no gat fren.
Edison i kikim graon. Ol nara boe oli stap toktok mo stanemap tenet blong olgeta. Be hem i no save eni man.
Edison mo famli blong hem i stop blong go long jos afta we oli muv i go long Spen. Be ol boe blong wod oli kam mo invaetem hem blong go long wan kamp trip. Blong go long kamp i gud tumas, naoia Edison i no save sapos hem i wantem stap long ples ia o no. Hem i filim hem i no gat fren.
Tu boe, Diego mo Ruan, i wokbaot i go long Edison. “?Yu wantem serem tenet blong mifala?” Diego i askem.
Edison i pulum win mo i smael. “Yes”
“!I naes tumas!,” Ruan i talem. “Mo afta yumi save go swim.”
Oli boe oli stanemap tenet blong olgeta finis mo ron i go long reva. Wota i kolkol gud, naoia Edison i no luksave se hem i gat wan gud taem. Afta lanj, ol boe mo ol lida oli go wokabaot smol. Oli kambak taem san i jes stat blong draon, mekem se oli help blong mekem wan kamp faea.
“?Famli blong yu oli olsem wanem?” Ruan i askem.
Edison i stap sakem sam smol wud i go long faea. “Papa mo mama blong mi oli naes. Mo sista blong i bes fren blong mi. Mifala i muv kam long ples ia long Ekuado.”
Diego mo Ruan i lukluk tufala wetem bigfala smael.
“!Mitufala tu blong Ekuado!” Ruan i talem.
Diego i openem jaket blong hem blong i soem t-sot blong hem. !Hem i wan saen blong wan futbol tim blong Ekuado!
“!Wao!” Edison i talem. “?So wanem nao yu misim long Ekuado?”
Diego mo Ruan i laf. “!Kaekae!” tufala tugeta i singaot.
Ol boe oli storian long wanem nao oli misim long Ekuado mo wanem oli laekem long Spen. Edison i laekem olsem wanem i isi blong storian wetem Diego mo Ruan.
Afta wan long ol lida , Brata Cisneros, i stanap. “!Ei yufala! Yumi wantem endem naet ia wetem wan testemoni miting.”
Wan afta wan, ol boe mo oli lida oli stanap mo serem ol testemoni blong olgeta. Ol toktok blong olgeta i mekem hat blong Edison i olsem we oli kavremap long wan wom blangket.
Diego i stanap. “Mi save se Jos tru. Mi testifae se God i Papa blong mi, mo we Jisas Kraes i Sevya blong mi.”
Wom filing ia i kam bigwan. Mi wantem save hemia tu, Edison i tingting.
Taem Edison i gobak long haos long trip blong hem, ol toktok blong Diego i stap nomo long maen blong hem. Hem i wantem tumas se bae hem i go long jos mo lanem abaot Jisas wetem Diego mo Ruan.
Long naet, long taem blong kaekae, Papa i askem: “?Olsem wanem long kamp trip blong yu?”
“!Hem i gud tumas!” Edison i talem. “Mifala i swim mo wokbaot mo mekem faea. !Mi gat tu fren blong Ekuado tu!”
“!Hemia i gud tumas! Bae yumi invaetem olgeta i kam,” Mama i talem.
Edison i tingting. “?Yumi save stat blong gobak long jos bakegen?”
Mama mo papa i no talem wan samting blong smol taem. Mama i klinim trot blong hem. “Sapos yu wantem go, hem i oraet,” hem i talem. “Be Papa mo mi bae mitufala i no go.”
Edison i slakem hem i go daon long jea blong hem. Hem i no wantem go long jos hemwan. Ating hem i sud stap nomo long haos wetem famli blong hem.
Hem i tingbaot gudfala filing we hem i bin gat long testemoni miting ia. Sapos famli blong hem i mo wantem go long jos, Edison i wantem go.
From, bae hem i no stap hemwan. Edison i smael mo i kakae dina blong hem. Hem pikimap fon. !Hem i save sam fren we hem i save go long jos wetem!
Pikja i kam long Hollie Hibbert