Man we I Raetem I Yu
!Smol Samting I Mekem Samting I Defren!
Jed L., 9 yia, Ilokos Norte, Filipin
Mi mi moa sot long evriwan long klas blong mi. Samtaem mi wantem tumas se bae mi tolfala i semmak long ol fren blong mi long skul. Be mama blong mi i talem se ol valiu blong mi oli impoten moa bitim hamas mi longfala, mo mi save mekem plante samting iven sapos mi moa sot long ol fren blong mi long skul.
Taem mi lusum wan samting o mi fraet, mi stopem wanem mi stap mekem mo mi prea. Papa long Heven i ansarem ol prea blong mi.
Mi helpem ol kasen blong mi mo ol narafala pikinini i stadi long Matematik, Inglis mo raet. Mi help blong mekem ol wok blong haos. Mi lukaotem ol animol blong mi. Mi dro mo raetem ol leta blong ol misinari. Taem mi pem o karem wan niu samting, mi serem wetem ol narafalawan. Taem mi luk ol pipol we oli stap long nid long rod, mi givim wanem mi save givim, mo prea from olgeta evri dei.
Taem mi yang moa, mama blong mi i bin stap rid long mi. Mitufala i ridim ol stori insaed long Buk blong Momon, ol Baebol stori, mo Fren magasin. Naoia, mi gat naen yia, hem i stap gohed yet blong rid long mi. Mi no save slip sapos mama i no rid long mi. Be naoia, mi nao i rid long Mama kasem taem hem i silip.
Mi mekem ol simpol samting ia iven we mi smol. Mi save se Papa long Heven mo Jisas Kraes i lavem ol smol pikinini. Mi save se Tufala i lavem mi. Mi lavem Tufala tu. Mi wantem kam wan misinari wan dei blong mi save mekem moa long ol smol samting ia blong i mekem i kam defren.
Ol pikja droing oli kam long Adam Koford