!Halo i Kam long Meksiko!
Joenem Margo mo Paolo taem tufala i travel raon long wol blong lanem abaot ol pikinini blong Papa long Heven.
Meksiko wan kantri long Not Amerika. Hem i gat ova long 126 milian pipol.
Wan Naes Snak
Guakamol i wan sos we oli mekem wetem avokado. Pipol i kakae wetem takos, long salad, o wetem kon jips. ¡Delicioso!
Mit Tugeta
Hemia i Jos bilding long Meksiko. Meksiko i gat kolosap 1.5 milian memba blong Jos—!nambatu long eni kantri long wol!
Baile Folklórico (Kastom Danis)
Plante pat long Meksiko i gat miusik, danis, mo klos blong olgetawan. Gel ia i stap werem wan kastom dres blong Jiapas.
Kalja blong Bifo
Meksiko i gat plante bilding we ol pipol blong bifo oli mekem. Evri yia, milian pipol oli visitim Mayan Piramid long Jikhen Itsa long stet blong Yucatán.
Plante Tempol
Meksiko i gat 13 tempol we oli dediketem finis, wetem plante moa i stap kam. Boe ia i visitim tempol long Verakrus.