Ol Paeonia long Evri Graon

Margaret i Sevem Dei Ia

I kam long Michele Hill

(I kamaot long wan tru stori)

!Sip ia i stat blong draon! ?Wanem nao Margaret i save mekem?

Margaret (12 years old) is on a ship during the mid-1800s. She is holding a white wool blanket and taking it to the captain of the ship for him to stuff in the holes in the side of the ship.

Margaret i stanap long dek blong sip mo lukluk i go long blong blu solwota raon long hem. Sip i muv i go antap mo daon long ol bigfala wef.

Famli blong Margaret i salem kolosap evri samting blong olgeta blong oli save go long Yunaeted Stet. Trip ia bae i tekem sikis wik olsem. Margaret i harem nogud blong lego haos blong hem long Wels. Be hem i glad tumas tu long niufala hom blong hem tu.

Sam manis bifo, famli blong Margaret i mitim ol misinari blong Jos Ia blong Jisas Kraes blong Ol Lata-dei Sent. Margaret wetem Papa mo Mama blong hem oli baptaes. Mo naoia bae oli go joenem ol narafala Sent long Saeon.

Trip ia i bin had tumas. Mama blong Margaret hem i sik. Mo papa blong hem tu i sik from ol yia we hem i stap wok long ol kol maen. Mekem se Margaret i lukaotem tufala. Hem i lukaotem smol brata blong hem mo bebi sista blong hem tu. Hem i wan bigfala wok. Be Margaret i no komplen.

Samtaem bot i muvmuv tumas long wota i mekem se Margaret i wantem traot. Ol narafala taem hem i fraet. Taem hem i fraet, hem i sarem taet ol ae blong hem mo askem help long Papa long Heven.

Wan dei Margaret i harem oli stap singaot. “!I gat wan lik long sip! !Yumi stap draon!”

Evriwan i seksek. Kapten i talem evriwan blong faenem ol baket. Ol pipol oli stat blong kasem wota mo kapsaetem aotsaed long sip.

Margaret i wantem blong help. Hem i nildaon long bed blong hem mo prea strong. “Plis Papa long Heven, helpem mi tingting long wan wei blong save help.”

A young woman named Margaret smiles as she folds her hands in prayer.

Wan filing blong pis i kam long hat blong Margaret. Hem i save se Papa long Heven i bin stap lukaotgud long hem. Hem i wantem helpem olgeta.

Afta, hem i gat wan aedia.

Hem i pulum aot tu waet wul blangket long bed blong hem mo ron i go faenem kapten. “Hemia,” hem i talem. “Putum long hol blong i stopem lik ia.”

Kapten i laekem aedia blong Margaret. Hem i pusum ol blangket ia long hol. Afta hem i kapsaetem wan bigfala baket blong hot kolta antap long blangket ia. !Taem kolta ia i kolkol, lik ia i klos!

“Tangkyu blong givimaot blangket blong yu,” kapten i talem. “Tingting blong yu ia i sevem dei ia.”

Margaret i smael. Hem i save se Papa long Heven i ansa long prea blong hem. Rod blong hem olsem wan paeonia, i jes stat nomo, mo hem i save se bae Lod i helpem hem long rod blong hem.

Ol fas misinari we oli kam long Wels long 1840.

Wan vilej long Wels we i gat wan longfala nem blong taon aot long ful wol.

!I gat plante moa sipsip long Wels bitim we i gat ol man!

Margaret i gat 11 yia taem hem i i baptaes.

Taem Margaret i kam bigwan, hem i mared mo hem i gat eit pikinini.

Hem i stap olsem Rilif Sosaeti Presiden blong 26 yia.

Page from the September/October 2022 Friend Magazine.

Ol pikja droing i kam long Laura Catrinella