Raoraou ni Kaembwa
N te moantai, Edison e namakinna bwa e aki riai ni mena ikekei.
Edison e butiborea aontano. Ataeinimwaane ni kabane ake tabeman a mamaroro ao a katei auti n rianna. Ma akea ae e kina.
Ana utu Edison a tuai man nako n taromauri n te tai ae uarereke imwiin mwaingiia nako Spain. Ma ngkanne ataein te uoote a roko ni kaoa bwa e na ira te mwananga ni kaembwa. E kaunga taekan te kaembwa, ma n te tai aei Edison e aki koaua raoi bwa e kan tiku ikai n te tai aei. E namakinna bwa e aki riai ni mena ikekei.
Uoman ataeinimwaane, Diego ao Juan, a nakon Edison. “Ko kukurei n ibuobuoki ni mena irarikira?” E titiraki Diego.
Edison e katinakoa te ang ao e moangare. “Eng.”
“E nakoraoi,” e taku Juan. “Ao ngkanne ti kona n nako n uaua.”
A katea aia auti n rianna ao a birinako nakon te karaanga. E mwaitorotoro te ran, ma n te tai aei Edison e a rang kukurei ao e a kuri aki ata mwaitorona. Imwiin te katawanou, ataeinimwaane ma aia tia kairiiri a nako n tamwarakea te maunga. A oki imwain bungin taai, ngaia are a ibuobuoki ni kaura te ai.
“Aekara aroia am utu?” E titiraki Juan.
Edison e kabwaka te bwariko ni kai irarikin te ai. “A rang n raoiroi au karo. Ao mwaneu bon raoraou ni koaua. Ti mwaing nakomai mai Ecuador.”
Diego ao Juan a itaramata ma te moangare.
“Ngaira naba kain Ecuador!” E taku Juan.
Diego e kauka ana katikitiki ana tiaekete ao e kaota ana karinano. Iai ana kanikina ana tiim ni butibooro Ecuador iaona!
“Auee!” E taku Edison. “Ao tera ae ko rangi n tatangiria riki i Ecuador?”
A ngare Diego ao Juan. “Te amwarake!” a uaia n takarua.
A reitinako ni karakina te bwai ae a tatangiria i Ecuador ao bwaai ake a tatangiri ngkai a maeka i Spain. Edison e namakina te mweengaraoi ni maroro ma Diego ao Juan.
Imwiina temanna te tia kairiiri, Tari Cisneros, e teirake. “Mauri, ni kabane! Tina kaina te tairiki aei ma te bootaki ni kaoti koaua.”
Temanna imwiin temanna, ataeinimwaane ao taan kairiiri a teirake ao a tibwa aia koaua. Aia taeka a karekea te aabue n ana namakin Edison kaanga ai aron ae niiraki n te burangketi.
E teirake Diego. “I ataia bwa e bon koaua te Ekaretia. I ataia bwa te Atua bon Tamau ao Iesu Kristo bon au tia Kamaiu.”
Te namakin n tangira e rikirake ni korakora. I tangiria bwa N na ata naba anne, e iango Edison.
E oki nakon mweengana Edison man te mwananga, e tiku ana taeka Diego n ana iango. E tangiria ni kan nako n taromauri ao n reiakina rongorongon Iesu ma Diego ao Juan.
N te tairiki anne n tain te katairiki, e titiraki Papá “E uara te mwananga ni kaembwa?”
“E rang tamaroa!” E taku Edison. “Ti uaua ao ti rianna ao ti kaura te ai. A reke naba raoraou aika uoman mai Ecuador!”
“E rangin n tamaroa anne! Tina kaoia n nakomai,” e taku Mamá.
E kainabwaabu Edison. “Ti kona ni manga nako riki n tataro?”
Mamá ao Papá akea te bwai ae a taekinna inanon tabeua te tai. Imwiina Mama e bekorara buuana. “Ngkana ko kan nako, akea te kangaanga,” e taku. “Ma ngai ma Papá ti aki nako.”
Edison e kabuka ana kaintekateka. E aki kan nako n taromauri n tii ngaia. Tao e riai n tiku n ana auti irarikiia ana utu.
Imwiina Edison e uringa te namakin ae tamaroa man te bootaki ni kaotikoaua. E ngae ngkana ana utu a rawa n nako n taromauri, Edison e tangiria n nako.
Irarikina, e aki maroa. E moangare Edison ngke e kana ana katairiki. Imwiina e tabeka te tareboon. Iai raoraona tabeman aika a kona n iria nakon te taromauri!
Kamataata n te tamnei iroun Hollie Hibbert