Bwaeoniia n Aba Nako

Margaret E Kamaiua Te Bong

Iroun Michele Hill

(E boboto i aon te karaki ae koaua)

E a iinako te kaibuke! Tera ae e kona ni karaoia Margaret?

Margaret (12 years old) is on a ship during the mid-1800s. She is holding a white wool blanket and taking it to the captain of the ship for him to stuff in the holes in the side of the ship.

Margaret e tei iaon te teeke ao e taraa taari are e katobibia. E rangaranga te kaibuke iaon naao aika bubura.

Ana utu Margaret a kabonakoi aia bwai ni kabane ibukin mwanangaia n te kaibuke nakon te United States. Maanin te mwananga bon onoua te wiiki. Margaret e nanokawaki ni kiitana mweengaia i Wales. Ma e ingainga naba ni kan noora mweengana ae boou.

Tabeua te namwakaina mai imwaina, ana utu Margaret a tia ni kaitibo ma mitinare man ana Ekaretia Iesu Kristo ibukiia Aika Itiaki ni Boong aika Kaitira. Margaret ma ana karo a bwabetitoaki. Ao n te tai aei a nang nako n raoniia aika Itiaki ake tabeman i Tion.

Te mwananga e bon rang n kangaanga. Tinan Margaret e a aoraki. Ao tamana e aoraki imwiin mwakurina n te keni kooro inanon ririki aika a bati. Ngaia are Maragareti e a tabeakiniia. E tabeakina mwanena ae uarereke ao tarina naba ae te merimeri. Bon te tabe ae bubura. Ma Margaret e aki ngurengure.

N tabetai te kaibuke e a rang n rangaranga iaon taari n te aro are e a nimarawarawa Margaret. Iai n tabetai ae e a maaku. Ngkana e maaku, e kamakii matana ao e bubutiia Tamana are i Karawa bwa e na buokia.

N te bong teuana Margaret e ongo te takarua. “Iai te raran n te kaibuke! Tia iinako!”

A nako nanoia te koraki. Te kaaben e tuangiia aomata bwa a na kakaai bwaketi. Aomata a itiia te ran n taian bwaketi ao a kabwaroa n iteran te kaibuke.

Margaret e tangiria n ibuobuoki. E katorobubua irarikin ana kainiwene ao e tataro ni kabanea korakorana. “Taiaoka Tamara are i Karawa, buokai n iangoi kawai bwa N na kona n ibuobuoki.”

A young woman named Margaret smiles as she folds her hands in prayer.

E kaonaki nanon Margaret n te namakin ae rau. E ataia bwa Tamara are i Karawa e tarataraia. E na buokiia.

Ngkanne e a reke ana iango.

E katiki burangketi aika uoua aika a mainaina man ana kainiwene ao e kakaea te kaaben. “Awaikai,” e taku. “Karinna n te bwangabwanga ni bonotia.”

E kukurei te kaaben n ana iango Margaret. E karinnakoa te burangketi inanon te bwangabwanga. Imwiina e kabwaroa te bwaketi ni korota ae bubura ae kabuebue iaoia. Ngke e a mariri te korota, e a bonota te bwangabwanga!

“Ko rabwa n am anganano n am burangketi,” e taku te kaaben. “Am kakauiango ae tawe e kamaiura n te bong aei.”

E moangare Margare. E ataia bwa Tamara are i Karawa e a tia ni kaeka ana tataro. Mwanangana ni bwaeoniia e a bon tibwa waaki, ao e ataia bwa E na buokia ni mwaneka ni kabane iaon kawaina.

Moan mitinare a roko i Wales n 1840.

Te kaawa are i Wales iai arana ae te kabanea n abwabwaki n te aonaaba.

A mwaiti riki tiibu i Wales nakoia aomata!

Margaret Griffiths bon 11 ana ririki ngke e bwabetitoaki.

Ngke e a ikawai Margaret, e iein ao a riki waniman natina.

E riki bwa te beretitenti n te Bootaki n Aine inanon 26 te ririki.

Page from the September/October 2022 Friend Magazine.

Kamataata n te tamnei iroun Laura Catrinella