Baai n Ibuobuoki ni kabuta te Aonaaba
Kaitibo ma Jarom mai Mexico
Kaitibo ma ataein te Moanrinan aika a buokiia aomata, n aron are e karaoia Iesu.
Ni kabane bon rongorongon Jarom
Ana ririki: 10
Man: te Kaawa ae Mexico, Mexico
Taetae: Spanish
Kouru ao kanoanimii: 1) N riki bwa taokitaia maan ke taokitan te iango. 2) Korei tamnei aika tikiraoi. 3) Bwaina te akoi ao te karinerine nakoia aomata.
Utu: Jarom, Tinau, Tamau, tariu aika uoman
Bain Jarom n Ibuobuoki
Jarom iai ana kamea aika teniman aika uarereke. Teuana ana mwakuri bon kamwarakeaia ni katoa bong. E rang n tatangiriia. Jarom bon te tia ongora ae raoiroi ao te mitinare. Ngke e ongo maten tibun raoraona ae te unimwaane, Jarom e wetea raoraona. Jarom e ongora irouna. E karaua naba nanona ao e tuangnga taekan ana baire Tamara are i Karawa ibukira.
Jarom e tangiriia raoraona bwa a na kukurei. E taetae nakoia n tainako ibukin te Ekaretia ao e kaoia nakon bootaki ao waaki ni kakukurei. “Ngkana kam tataro, ururingiia raoraomi ao ami utu,” e taku Jarom. “Bubuti bwa kam na ataia bwa kam na kanga ni buokiia.”
Bwaai aika e tatangiri Jarom
Tabo: Tabo ni kamaangang ao te umwantabu
Karakinan Iesu: Ngke E buoka te mwaane ae mataki ao ngke E a manga uti man te mate
Kunana n te Moanrinan: “When I Am Baptized” (Aia Boki n Anene Ataei, 103)
Kanana: Pozole tuubu, french fries, ao tonati
Karaia: Buruu ao te beebo
Ana Bwai n te Reirei: History ao geography
Kamataata n te tamnei iroun Mike Laughead