Koreaki Iroum
Bwaai aika Uarereke A Karekea te Bitaki!
Jed L., 9 ana ririki, Ilocos Norte, Biribin
Ngai te kabanea ni katuarereke n au kiraati. N tabetai I iangoia bwa I abwabwaki n aroia kain au kiraati. Ma tinau e tuangai bwa au konabwai a kakaawaki riki nakon abwakiu, ao I kona ni karaoi bwaai aika a mwaiti e ngae ngke I katuarereke ibuakoia raou n reirei.
Ngkana iai au bwai ae bua ke ngkana I maaku, I katikui bwaai aika I karaoi ao I tataro. Tamara are i Karawa e kaekai au tataro.
I buokiia ai tariu ao ataei ake tabeman ni kamatebwaia te numera, Ingiriti, ao te koroboki. I ibuobuoki ni karaoi tabeu. I tararuaia au man aika manana. I korotamnei ao I kororeta nakoia mitinare. Ngkana I kabobwai ke I karekei bwaai aika a boou, I tibwaia ma ake tabeman. Ngkana I nooria aomata aika a kainnano iaon te kawai, I anga bwaai ake I konai, ao I tataro ibukiia ni katoabong.
Ngke I uarereke, tinau e moana ana wareware nakoiu. Ti wareki karaki man ana Boki Moomon, man te Baibara, ao te Rao maekatiin. N te tai aei, e ngae ngke ai ruaiwa au ririki, e teimatoa ni wareware nakoiu. I aki kona ni matu ni karokoa e wareware tinau nakoiu. Ma ngkai n tabetai n te bong I wareware nakon Tinau ni karokoa e matu.
I karaoi bwaai aikai e ngae ngke I rang uarereke. I ataia bwa Tamara are i Karawa ao Iesu Kristo a tangiriia ataei aika uarereke. I ataia bwa A tangirai. I tangiriia naba. Miiu bwa N na riki bwa te mitinare bwa I aonga ni kona ni karaoi bwaai aika uarereke aika a mwaiti ni karaoi bitaki aika a bubura.
Kamataata n te tamnei iroun Adam Koford