O Sina Fesoasoani Faaopoopo

Saunia e Jane McBride

(E faavae i se tala moni)

O ponaivi o Tainasoa sa sili atu ona malie nai lo se fofo tau tautala.

A young boy walks through his classroom at school. He looks sad. A man holds up a dinosaur bone.

“Alex, ua oo i le taimi e alu ai i le fofo tautala,” o le tala lea a Miss Jenkins.

Na punou le ulu o Alex. O le fofo tau tautala o se vasega faapitoa sa ia alu i ai. Sa faigata ia te ia ona fai atu ni upu ma ni leo. O lea sa tatau ai ona ia faataitaia i latou i le vasega tautala mo ni nai taimi i le vaiaso. O taimi uma lava na te tuua ai lana vasega masani, sa ia lagonaina le maasiasi tele!

Sa tilotilo a’e o ia i lona faiaoga. “E mafai ona ou faamisi lena vasega?” sa ia musumusu atu ai. “E na’o nei lava?”

O le asō, e sau ai Mr. Timmons i le vasega a Alex e talanoa e uiga i tainasoa. Sa faigaluega Mr. Timmons i se falemataaga o loo iai le tele o ponaivi mananaia o tainasoa. O le a ia aumaia foi se ponaivi sa faitau afe tausaga le matua! Sa le’i manao Alex e misi.

Sa ataata Miss Jenkins. “E tatau lava ona e alu i lau vasega tautala. Ae atonu e te toe foi mai i le taimi mo le vaega mulimuli o le lauga a Mr. Timmons.”

Sa taumafai Alex e ataata atu, ae sa le mafai. Sa savali lemu atu o ia i le potuaoga o fofo tau tautala. I le vasega sa latou faataitai ona fai atu pea lava pea lea leo e tasi. O le aoao e uiga i tainasoa semanu e sili atu ona malie.

“Ou te ita i le fai atu o nei leo faavalevalea,” sa ia fai atu ai i lana faiaoga o fofo tau tautala. “Ou te lagona ua pei o se pepe.”

“E le o oe o se pepe,” o lana tala lea. “Tatou te manaomia uma lava sina fesoasoani faaopoopo i nisi taimi. Pe na e iloaina sa ou alu i fofo tautala a o ou laitiiti pei o oe?”

O lena mea na lagona ai e Alex se lelei teisi. Sa ia galue malosi mo le isi taimi na totoe o le vasega e faataitai ana leo.

Ina ua toe foi atu Alex i le potuaoga o Miss Jenkins, sa ia vaaia lana uo o Courtney ua alu ese.

“O fea e te alu i ai?” na ia fesili atu ai.

Sa tilotilo i lalo Courtney. “O loo i ai sou faafitauli i le faitau tusi. E tatau ona ou alu i se vasega faitau faapitoa.” Sa foliga matamuli Courtney.

“Ei, e le afaina,” o le tala lea a Alex. “Faatoa ou foi mai la’u vasega fofo tautala. Sa ou faaaluina le taimi atoa e fai ai pea lava pea le leo e tasi.” Sa ia faamanumi i luga lona isu.

“Sa e faia?”

Sa lue atu lona ulu. “Sa ou alu i la’u vasega fofo tautala mo le lua vaiaso talu ai.”

“E faapefea ona ou le iloa?” sa ia fesili ai.

Sa faamimigi tau’au o Alex. “Ou te le’i ta’uina lava i se tasi. Sa ou fefe ne’i latou taufaalili mai ia te a’u.”

“O le a ou le ula lava ia te oe,” o le tala lea a Courtney. “Ua ou fiafia ua e toe foi mai i le taimi e vaai ai i le ponaivi o le tainasoa. Oka se manaia!” Sa talotalo mai o ia. “Ua tatau ona ou alu. Feiloai i se taimi.”

E le’i umi ae iloa e Alex e le na o i la’ua ma Courtney na o i isi vasega. Sa alu Tommy i se vasega e fesoasoani ia te ia e aoao ni tomai faaagafesootai sili atu. Ma sa galue Bekah ma se faiaoga faapitoa e fesoasoani i lona lima ia malosi atili ina ua uma ona lavea.

O lenei sa le’i lagonaina e Alex se lagona leaga tele e uiga i lana vasega tautala. Sa manao o ia e fesoasoani i isi tamaiti ia maua foi lagona lelei. Sa ia faataitai ona faitau faatasi ma Courtney ma talanoa ia Tommy i le malologa. Sa manaomia e tagata uma sina fesoasoani faaopoopo i nisi taimi, ma sa lelei lena mea!

This image is #1 listed below. A series of spot illustrations of children. 1. A girl reading. 2. A boy talking. 3. A girl with a broken arm in a sling. — O le a ou maua se fesoasoani faaopoopo i lo’u lima.

This image is #2 below. A series of spot illustrations of children. 1. A girl reading. 2. A boy talking. 3. A girl with a broken arm in a sling. — O le a ou maua se fesoasoani faaopoopo i lo’u lima.