O Se Talanoaga ma Xiomara e uiga i le Avea ma Se Tagata Fou i Tamaitai Talavou
O Xiomara (e fofogaina o she-o-MA-ra) e sau mai Chiapas, o se setete i Mekisiko i saute. Sa siitia atu talu ai nei o ia i le Tamaitai Talavou.
Muamua, matou te fia iloa oe.
O a au mea e fai e te fiafia ai?
Tietie i la’u uila, taalo soka, ma kuka. O le mea e sili ona ou fiafia e kuka o le quesadillas!
O le a le lanu e te fiafia i ai?
Lanu samasama.
O le a se mea na sili ona e tulimatai atu i ai e uiga i le siitia atu mai le Peraimeri i Tamaitai Talavou?
Sa ou matuai fiafia lava e alu i le malumalu ma faia papatisoga.
O a ni ou lagona i le alu i Tamaitai Talavou mo le taimi muamua?
I le taimi muamua sa faigata. Sa ou popole po o a ni mafaufauga o teineiti matutua ia te a’u. Sa fai si o’u popole seia oo ina matou o faatasi uma i le malumalu. O le taimi lena na avea ai i matou ma ni uo lelei.
E faapei lou alu i le malumalu mo lou taimi muamua?
Sa faapitoa tele. O le alu i totonu o le malumalu o le Alii o se aafiaga faaleagaga. Ua leva ona ou fia alu i le malumalu. I le Peraimeri sa matou usuina ai le, “Ou te fia vaai i se malumalu. Ou te ulu i ai i se aso.” O lea la ua mafai ona ou faapea atu, “Ou te fiafia e alu i le malumalu.”
O le taimi muamua lena i le malumalu, sa ou faia ai papatisoga mo nisi o uso o lo’u tina, o nisi o aiga o lo’u tinamatua (tina o lou tina), ma isi tagata ou te le’i iloaina. O le malumalu ma talafaasolopito o aiga o se vaega o la’u molimau.
O a nisi o gaoioiga malie na e faia i lau vaega o Tamaitai Talavou?
Faia o kuki! Sa matou faia kuki e 150. Ona matou faasoa atu lea i isi tagata. O gaoioiga a Tamaitai Talavou e malie. E tumu i latou i lesona lelei, uunaiga, ma le taitaiga e fesoasoani ia i tatou ia avea ma ni faifeautalai i le lumanai.
O i ai nisi teineiti o lau tupulaga i lau uarota?
Na o a’u lava. Ua na o a’u foi le tagata o le Ekalesia i la’u vasega i le aoga.
E faigata le avea ai nao oe o le tagata o le Ekalesia i le aoga?
Leai. Ua iloa uma e a’u uo ou te mulimuli i se tapuaiga e ese mai ia i latou, ae latou te le faaesea a’u.
O le a le mea e sili ona e fiafia i ai e uiga i le i ai i Tamaitai Talavou?
Ou te fiafia e aoao atili e uiga i le Faaola ma le ata o le faaolataga. O se faamanuiaga sili le faia o galuega o talafaasolopito o aiga. Ou te fiafia e faia papatisoga o le malumalu e avatu ai le faamoemoe i o tatou aiga ua tuua lenei lalolagi.
Ou te fiafia e i ai i le polokalama a Tamaitai Talavou!
Ata na tusia e Alyssa Tallent