“Taulai Atu i le Malumalu,” Uo, Novema 2022, 2–3.
O Se Savali o le Konafesi mai le Perofeta
Taulai Atu i le Malumalu
Sii mai le “Taulai Atu i le Malumalu,” Liahona, Nov. 2022.
Ata o le malumalu na tusia e Bailey Rees; itulau valivali na saunia e Bryan Beach
Talu ai nei, sa ma matamata ai ma Sister Nelson i vitio fou o le Tusi a Mamona. O se tasi o na vitio na faaalia ai le faaali atu o le Faaola i tagata sa Nifaē. Sa Ia fetalai, “Faauta, o Au o Iesu Keriso. … O Au o le malamalama ma le ola o le lalolagi” (3 Nifae 11:10–11).
E taua ona sa faaali atu le Faaola i tagata i le malumalu. O Lona maota lea. E faatumulia i Lona mana.
Ua faatelevaveina e le Alii le fausiaina o malumalu. Ua faia ina ia mafai ai e le toatele o tagata ona o i ai. Ou te folafola atu o le o soo i le malumalu o le a faamanuiaina ai tagata aua e leai lava se isi mea e mafai ai.
I le konafesi, sa ou faasilasilaina atu ai isi malumalu e 18. I nisi o aai tetele, e umi se taimi mo tagata e malaga ai i le malumalu i lo latou aai. O lea o le a tatou fausia ai ni malumalu se tele i nisi o nei aai tetele. O le fa o malumalu fou o le a fausia e latalata i le Aai o Mekisiko.
Ou uso e ma tuafafine pele, tau ina ia sili atu ona outou taulai atu i le malumalu nai lo se isi lava taimi muamua. Ou te faamanuia ia te outou ia latalata atili atu i le Atua ma Iesu Keriso i aso uma. Ou te alofa ia te outou. Ia faatasi le Atua ma outou seia tatou toe feiloai.
Na Asiasi Atu Iesu ia sa Nifae
Na faaali atu le Faaola ia sa Nifae i le malumalu aua o Lona maota lea. Ua faamanuiaina i tatou e le Atua i le tele o malumalu e faamalolosia ma puipuia ai i tatou.